ಒಗ್ಗಟ್ಟಿನಲ್ಲಿ ಬಲವಿದೆ ಎಂಬ ಮಾತನ್ನ ಬಹಳ ಚಿಕ್ಕ ವಯಸ್ಸಿನಿಂದಲೇ ಕೇಳಿಕೊಂಡು ಬಂದಿದ್ದೇವೆ. ಒಂದಾಗಿ ನಿಂತರೆ ಎಂತಹ ಕಷ್ಟವನ್ನ ಬೇಕಿದ್ದರೂ ಎದುರಿಸಬಹುದು. ಈ ಮಾತಿಗೆ ಪ್ರತ್ಯಕ್ಷ ಸಾಕ್ಷಿ ಎಂಬಂತೆ ಸೋಶಿಯಲ್ ಮೀಡಿಯಾದಲ್ಲಿ ಒಗ್ಗಟ್ಟಿನ ಸಂದೇಶ ಸಾರುವ ವಿಡಿಯೋವೊಂದು ಸಖತ್ ವೈರಲ್ ಆಗಿದೆ.
ಸುಧಾ ರಾಮೆನ್ ಎಂಬ ಅರಣ್ಯಾಧಿಕಾರಿ ಟ್ವಿಟರ್ನಲ್ಲಿ ಶೇರ್ ಮಾಡಿದ ವಿಡಿಯೋ ಇದಾಗಿದೆ. ನಾಗಾಲ್ಯಾಂಡ್ ಜನರ ಒಗ್ಗಟ್ಟನ್ನ ಸಾರುವ ಮತ್ತೊಂದು ವಿಡಿಯೋ ಇದು. ನಾಗಾಲ್ಯಾಂಡ್ ಹಳ್ಳಿಯೊಂದರಲ್ಲಿ ಮನೆಯನ್ನ ಸ್ಥಳಾಂತರಿಸುತ್ತಿರುವ ದೃಶ್ಯವಿದು ಎಂದು ವಿಡಿಯೋಗೆ ಶೀರ್ಷಿಕೆ ನೀಡಲಾಗಿದೆ.
ವಿಡಿಯೋದಲ್ಲಿ ಗ್ರಾಮಸ್ಥರೆಲ್ಲ ಒಟ್ಟಾಗಿ ಒಂದು ಮನೆಯನ್ನೇ ಒಂದು ಜಾಗದಿಂದ ಬೇರೊಂದೆಡೆಗೆ ಸ್ಥಳಾಂತರಿಸುತ್ತಿರೋದನ್ನ ನೀವು ಕಾಣಬಹುದಾಗಿದೆ. ವಿಡಿಯೋ ನೆಟ್ಟಿಗರು ಟೀಂ ವರ್ಕ್ ಅಂದರೆ ಇದು..! ಎಂದು ಹೊಗಳಿದ್ದಾರೆ.
Loading ...