ಅಚ್ಚರಿಗೆ ಕಾರಣವಾಗಿದೆ ಈ ವಿಶಿಷ್ಟ ವೆಡ್ಡಿಂಗ್​ ಮೆನು…!

ಮದುವೆ ಫಿಕ್ಸ್ ಆಯ್ತು ಅಂದಮೇಲೆ ಮದುವೆ ಉಡುಪು, ಕಲ್ಯಾಣ ಮಂಟಪದ ಜೊತೆಗೆ ವಧು ವರರು ತಲೆಕೆಡಿಸಿಕೊಳ್ಳುವ ಮತ್ತೊಂದು ವಿಷಯ ಅಂದರೆ ಮದುವೆ ಆಮಂತ್ರಣ ಪತ್ರಿಕೆ.

ಬಹಳ ವಿಶಿಷ್ಟವಾಗಿ ಮದುವೆ ಮೆನುವ​ನ್ನು ತಯಾರಿಸುವ ಮೂಲಕ ಗೊಗಲ್​ ಸಾಹಾ ಹಾಗೂ ಸುಬರ್ನಾ ದಾಸ್​ ದಂಪತಿ ಸಾಮಾಜಿಕ ಜಾಲತಾಣದಲ್ಲಿ ಸುದ್ದಿಯಾಗಿದ್ದಾರೆ. ಈ ಜೋಡಿ ಥೇಟ್​ ಆಧಾರ್​ ಕಾರ್ಡ್​ ರೀತಿಯಲ್ಲೇ ಮದುವೆ ಮೆನು ಕಾರ್ಡ್​​ನ್ನು ರೆಡಿ ಮಾಡಿಸಿದ್ದಾರೆ.

ಫೇಸ್​​ಬುಕ್​ನಲ್ಲಿ ಮದುವೆ ಮೆನು ಕಾರ್ಡ್​​ ಪೋಸ್ಟ್ ಮಾಡಿದ ಬಳಿಕ ಸಖತ್​ ವೈರಲ್ ಆಗಿದೆ. ನೋಡೋಕೆ ಆಧಾರ್​ ಕಾರ್ಡ್​ನಂತೆಯೇ ಇರುವ ಈ ಕಾರ್ಡ್​ನಲ್ಲಿ ಚಿಕನ್​ ಲಾಲಿಪಾಪ್​, ಕ್ರಿಸ್ಪಿ ಬನ್​ ಕಾರ್ನ್​, ಕಾಫಿ ಹೀಗೆ ವಿವಿಧ ತಿನಿಸುಗಳ ಲಿಸ್ಟ್​ನ್ನು ಪ್ರಿಂಟ್ ಮಾಡಿಸಲಾಗಿದೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಗೊಗಲ್​, ಇದು ನನ್ನ ಪತ್ನಿ ಸುಬರ್ನಾ ಐಡಿಯಾ ಆಗಿದೆ. ನಾವು ಡಿಜಿಟಲ್​ ಇಂಡಿಯಾವನ್ನ ಮೊದಲಿನಿಂದಲೂ ಬೆಂಬಲಿಸಿಕೊಂಡು ಬಂದಿದ್ದೇವೆ. ಹೀಗಾಗಿ ಈ ರೀತಿಯಲ್ಲಿ ಡಿಜಿಟಲ್​ ಇಂಡಿಯಾಗೆ ನಾವೆಷ್ಟು ಪ್ರೋತ್ಸಾಹ ನೀಡುತ್ತೇವೆ ಎಂಬುದನ್ನ ತೋರಿಸಿದ್ದೇವೆ ಎಂದು ಹೇಳಿದ್ರು.