ರುಚಿ ರುಚಿ ವೆಜ್ ‘ಗೋಲ್ಡ್ ಕಾಯಿನ್’

ಮಕ್ಕಳು ಸ್ನ್ಯಾಕ್ಸ್ ಇಷ್ಟಪಡ್ತಾರೆ. ಅದ್ರಲ್ಲೂ ಹೊಸ ಹೊಸ ಬಗೆಯ ತಿಂಡಿಗಳೆಂದ್ರೆ ಅವರಿಗೆ ಪ್ರಾಣ. ನಿಮ್ಮ ಮಕ್ಕಳೂ ನಿಮಗೆ ಹೊಸ ರುಚಿಯ ತಿಂಡಿಬೇಕೆಂದು ಪೀಡಿಸ್ತಾ ಇದ್ದರೆ ವೆಜ್ ಗೋಲ್ಡ್ ಕಾಯಿನ್ ಮಾಡಿ ಕೊಡಿ. ನಿಮ್ಮ ರೆಸಿಪಿ ಬುಕ್ ಗೆ ಈ ಹೊಸ ಸ್ನ್ಯಾಕ್ಸ್ ಸೇರಿಸಿಕೊಳ್ಳಿ.

ವೆಜ್ ಗೋಲ್ಡ್ ಕಾಯಿನ್ ಮಾಡಲು ಬೇಕಾಗುವ ಪದಾರ್ಥಗಳು:

2 ಬ್ರೆಡ್ಡಿನ ಚೂರು

½ ಕಪ್ ಬೇಯಿಸಿದೆ ತರಕಾರಿ (ಹೂಕೋಸು, ಕೋಸು, ಬೀನ್ಸ್)

1 ಚಮಚ ಕಾರ್ನ್ಫ್ಲೂರ್

1 ಬೇಯಿಸಿದ ಆಲೂಗಡ್ಡೆ

2 ಕತ್ತರಿಸಿದ ಹಸಿ ಮೆಣಸು

ಸ್ವಲ್ಪ ಬಿಳಿ ಎಳ್ಳು ಹಾಗೂ ಪೆಪ್ಪರ್ ಪೌಡರ್

ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಕರಿಯಲು ಎಣ್ಣೆ

ವೆಜ್ ಗೋಲ್ಡ್ ಕಾಯಿನ್ ಮಾಡುವ ವಿಧಾನ:

ಒಂದು ಪಾತ್ರೆಗೆ ಬೇಯಿಸಿದ ತರಕಾರಿ, ಸ್ಮ್ಯಾಶ್ ಮಾಡಿದ ಆಲೂಗಡ್ಡೆ, ಉಪ್ಪು, ಪೆಪ್ಪರ್ ಪೌಡರ್, ಕಾರ್ನ್ಫ್ಲೋರ್, ಹಸಿ ಮೆಣಸನ್ನು ಹಾಕಿ ಮಿಕ್ಸ್ ಮಾಡಿ.

ಈ ಮಿಶ್ರಣವನ್ನು ಒಂದು ಬ್ರೆಡ್ ಚೂರಿನ ಮೇಲಿಟ್ಟು ಇನ್ನೊಂದು ಬ್ರೆಡ್ ಪೀಸನ್ನು ಕವರ್ ಮಾಡಿ. ನಂತ್ರ ಅದರ ಮೇಲೆ ಬಿಳಿ ಎಳ್ಳನ್ನು ಉದುರಿಸಿ.

ಒಂದು ಪ್ಯಾನ್ ಗೆ ಎಣ್ಣೆಯನ್ನು ಹಾಕಿ. ಈ ಬ್ರೆಡ್ ಮಿಶ್ರಣವನ್ನು ಎಣ್ಣೆಯಲ್ಲಿ ಗರಿಗರಿಯಾಗುವವರೆಗೆ ಫ್ರೈ ಮಾಡಿ.

ನಂತ್ರ ಎಣ್ಣೆ ಬಸಿದು, ಸಾಸ್ ಜೊತೆ ಮಕ್ಕಳಿಗೆ ತಿನ್ನಲು ಕೊಡಿ.