ಸಾಮಾನ್ಯ ತಾಪಮಾನದ ಶೇಖರಣಾ ಸಾಮರ್ಥ್ಯ ಹೊಂದಿರುವ ಕೊರೊನಾ ಲಸಿಕೆಗಳು ಇಲಿಗಳಲ್ಲೂ ಕೊರೊನಾ ವಿರುದ್ಧದ ರೋಧ ನಿರೋಧಕ ಶಕ್ತಿಯನ್ನ ಹೆಚ್ಚು ಮಾಡಬಲ್ಲವು ಎಂದು ವಿಜ್ಞಾನಿಗಳು ಕಂಡುಹಿಡಿದಿದ್ದಾರೆ.
ಎಸಿಎಸ್ ಸೆಂಟ್ರಲ್ ಸೈನ್ಸ್ ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯಲ್ಲಿ ಈ ಬಗ್ಗೆ ಉಲ್ಲೇಖಿಸಲಾಗಿದೆ.
ಅಮೆರಿಕದ ಸ್ಟೈನ್ಫೋರ್ಡ್ ವಿಶ್ವ ವಿದ್ಯಾಲಯದಲ್ಲಿ ನಡೆಸಲಾದ ಅಧ್ಯಯನದ ಬಗ್ಗೆ ಸಹ ಲೇಖಕ ಪೀಟರ್ ಎಂಬವರು ಮಾಹಿತಿ ನೀಡಿದ್ದು ಕೋಲ್ಡ್ ಚೈನ್ ಅಗತ್ಯವಿಲ್ಲದ ಸಿಂಗಲ್ ಡೋಸ್ ಕೊರೊನಾ ಲಸಿಕೆಗಳನ್ನ ಅಭಿವೃದ್ಧಿ ಮಾಡೋದು ನಮ್ಮ ಗುರಿಯಾಗಿದೆ . ಇದರಲ್ಲಿ ನಾವು ಯಶಸ್ವಿಯಾದರೆ ಕೊರೊನಾ ಲಸಿಕೆಯ ಬೆಲೆ ಇಳಿಯಲಿದೆ. ಬಡ ಹಾಗೂ ಮಧ್ಯಮ ಶ್ರೀಮಂತ ರಾಷ್ಟ್ರಗಳೂ ಅಗ್ಗದ ದರದಲ್ಲಿ ಕೊರೊನಾ ಲಸಿಕೆಯನ್ನ ಪಡೆಯವಂತಾಗಬೇಕು ಎಂದು ಹೇಳಿದ್ರು.
ಕೊರೊನಾ ಲಸಿಕೆಗಳು ವೈರಸ್ ಆಧಾರಿತವಾಗಿದೆ . ಇದರಲ್ಲಿ ವೈರಸ್ ನಿರೋಧಕ ಪ್ರೋಟಿನ್ಗಳನ್ನ ಬಳಕೆ ಮಾಡಲಾಗಿದೆ. ಇವು ಲಸಿಕೆಗಳಿಗಿಂತ ಹೆಚ್ಚಾಗಿ ಪರಿಣಾಮಕಾರಿಯಾಗಿರುತ್ತವೆ. ಲಸಿಕೆಯನ್ನ ಅಭಿವೃದ್ಧಿ ಪಡಿಸಲು ವಿಜ್ಞಾನಿಗಳು ಮೊದಲು ಕೊರೊನಾ ವೈರಸ್ ಸ್ಪೈಕ್ ಪ್ರೋಟಿನ್ ಕೆಳಭಾಗದಲ್ಲಿರುವ ಒಂದು ಭಾಗವನ್ನ ತೆಗೆದು ಹಾಕಿದ್ರು. ಇದನ್ನ ಇಲಿಗಳ ಮೇಲೆ ಪರೀಕ್ಷೆ ಮಾಡುವ ಮೂಲಕ ವಿಜ್ಞಾನಿಗಳು ಲಸಿಕೆಯ ಪರಿಣಾಮಕಾರತ್ವವನ್ನ ಪರೀಕ್ಷಿಸಿದರು.
ಲಸಿಕೆ ಸ್ವೀಕಾರದ ಬಳಿಕ ಇಲಿಗಳ ಪ್ರತಿ ರಕ್ಷಣಾ ವ್ಯವಸ್ಥೆಯಲ್ಲಿ ಆದ ಬದಲಾವಣೆ ಮೂಲಕ ಲಸಿಕೆಯ ಸಂಭಾವ್ಯ ಪರಿಣಾಮಕಾರತ್ವವನ್ನ ವಿಜ್ಞಾನಿಗಳು ನಿರ್ಧರಿಸಿದ್ರು. ವಿಜ್ಞಾನಿಗಳ ಪ್ರಕಾರ, ಸಂಕ್ಷಿಪ್ತ ಸ್ಪೈಕ್ ನ್ಯಾನೊ ಪಾರ್ಟಿಕಲ್ ಲಸಿಕೆ ಬೈಂಡಿಂಗ್ ಸ್ಪೈಕ್ ಅಥವಾ ಪೂರ್ಣ ಸ್ಪೈಕ್ ಲಸಿಕೆಗಳಿಗಿಂತ ಗಮನಾರ್ಹವಾಗಿ ಹೆಚ್ಚಿನ ತಟಸ್ಥಗೊಳಿಸುವ ಪ್ರತಿಕ್ರಿಯೆಯನ್ನು ಉಂಟುಮಾಡಿದೆ.
Loading ...