ಕಂಗನಾ ರಣಾವತ್​ ವಿರುದ್ಧ ಕಾನೂನು ಹೋರಾಟಕ್ಕಿಳಿದ ರೈತ ಮಹಿಳೆ..!

ಬಾಲಿವುಡ್​ ನಟಿ ಕಂಗನಾ ರಣಾವತ್​ ಮತ್ತೊಂದು ಕಾನೂನು ಹೋರಾಟಕ್ಕೆ ಅಣಿಯಾಗುವ ಪ್ರಸಂಗ ಎದುರಾಗಿದೆ.

ಪ್ರತಿಭಟನಾ ನಿರತ ರೈತ ಮಹಿಳೆಯನ್ನ ಶಹೀನಾಬಾಗ್ ಮಹಿಳೆ ಎಂದು ತಪ್ಪಾಗಿ ಅರ್ಥೈಸಿಕೊಂಡು ಟ್ವೀಟ್​ ಮಾಡಿದ್ದ ಕಂಗನಾ ವಿರುದ್ಧ ರೈತ ಮಹಿಳೆ ಮಹಿಂದರ್​ ಕೌರ್​ ಐಪಿಸಿ ಸೆಕ್ಷನ್​ 499 ಹಾಗೂ 500 ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದರು. ಈ ಪ್ರಕರಣ ಸಂಬಂಧ ಭಟಿಂಡ ಕೋರ್ಟ್​ ಜನವರಿ 11ಕ್ಕೆ ವಿಚಾರಣೆಯ ದಿನಾಂಕವನ್ನ ಫಿಕ್ಸ್ ಮಾಡಿದೆ.

ಈ ದೂರಿನಲ್ಲಿ 73 ವರ್ಷದ ಮಹಿಂದರ್​ ಕೌರ್​, ನನ್ನನ್ನ ಶಹೀನಾಬಾಗ್ ಪ್ರತಿಭಟನೆಯಲ್ಲಿ ಭಾಗಿಯಾದ ಮಹಿಳೆ ಎಂದು ತಪ್ಪಾಗಿ ಅರ್ಥೈಸಿಕೊಂಡ ಕಂಗನಾ ಟ್ವಿಟರ್​ನಲ್ಲಿ ನನ್ನ ವಿರುದ್ಧ ಇಲ್ಲ ಸಲ್ಲದ ಆರೋಪ ಮಾಡಿದ್ದಾಳೆ. ಇದರಿಂದ ನನ್ನ ಘನತೆಗೆ ಧಕ್ಕೆ ಉಂಟಾಗಿದೆ. ಅಲ್ಲದೇ ನಾನು ಇದರಿಂದ ಮಾನಸಿಕವಾಗಿ ಕುಗ್ಗಿದ್ದೇನೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಬತಿಂಡಾದ ಬಹದುರ್ಗಾ ಜಂಡಿಯನ್​ ನಿವಾಸಿಯಾಗಿರುವ ಕೌರ್​, ಕಂಗನಾ ಈವರೆಗೆ ತಾವು ಮಾಡಿದ ತಪ್ಪಿಗಾಗಿ ನನ್ನ ಬಳಿ ಕ್ಷಮೆಯಾಚಿಸಿಲ್ಲ ಅಂತಾನೂ ಹೇಳಿದ್ದಾರೆ.

ರೈತ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದ ಕೌರ್​ರನ್ನ ಬಿಲ್ಕೀಸ್​ ಬಾನೋ ಎಂದು ತಪ್ಪಾಗಿ ಅರ್ಥೈಸಿಕೊಂಡ ಕಂಗನಾ ಟ್ವಿಟರ್​ನಲ್ಲಿ ಶಹೀನಾ ಬಾಗ್​ ದಾದಿ ಎಂದು ಕರೆದಿದ್ದರು. ಈ ಟ್ವೀಟ್​ ವಿರುದ್ದ ಬಾಲಿವುಡ್​ ಗಾಯಕ ದಲ್ಜೀತ್​ ಕೌರ್​ ಕೂಡ ದನಿ ಎತ್ತಿದ್ದರು. ಟ್ವಿಟರ್​ನಲ್ಲಿ ಭಾರೀ ವಿರೋಧ ವ್ಯಕ್ತವಾದ ಬಳಿಕ ಕಂಗನಾ ತಮ್ಮ ಟ್ವೀಟನ್ನ ಅಳಿಸಿ ಹಾಕಿದ್ದರು.