ಕೊರೊನಾ ಲಸಿಕೆ ಪಡೆದ ಭಾರತದ ಮೊದಲ ಬಾಲಿವುಡ್​ ಸ್ಟಾರ್​..!

ಕೇಂದ್ರ ಸರ್ಕಾರ ದೇಶದಲ್ಲಿ ಕೊರೊನಾ ಲಸಿಕೆ ಹಂಚಲು ಸಿದ್ಧತೆ ನಡೆಸುತ್ತಿದೆ. ಈ ನಡುವೆ ಬಾಲಿವುಡ್​ ಸ್ಟಾರ್​ ಶಿಲ್ಪಾ ಶಿರೋಡ್ಕರ್​​ ಕೊರೊನಾ ಲಸಿಕೆ ಪಡೆದ ಮೊದಲ ಭಾರತೀಯ ಸೆಲೆಬ್ರಿಟಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಬಗ್ಗೆ ಇನ್ಸ್​ಟಾಗ್ರಾಂನಲ್ಲಿ ಶಿಲ್ಪಾ ಶಿರೋಡ್ಕರ್​ ಮಾಹಿತಿ ನೀಡಿದ್ದಾರೆ.

ಪ್ರಸ್ತುತ ದುಬೈನಲ್ಲಿ ಇರುವ ಶಿಲ್ಪಾ ಶಿರೋಡ್ಕರ್​​ ದುಬೈನಲ್ಲೇ ಕೊರೊನಾ ಲಸಿಕೆ ಸ್ವೀಕರಿಸಿದ್ದಾರೆ. ಇನ್ಸಾಟಾಗ್ರಾಂನಲ್ಲಿ ನಟಿ ಫೋಟೊ ಶೇರ್​ ಮಾಡಿದ್ದು ಮಾಸ್ಕ್​ ಧರಿಸಿರುವ ಶಿಲ್ಪಾ ತೋಳಲ್ಲಿ ಪ್ಲಾಸ್ಟರ್​​ ಇರೋದನ್ನ ನೋಡಬಹುದಾಗಿದೆ.

47 ವರ್ಷದ ನಟಿ, ಲಸಿಕೆ ಪಡೆದಿದ್ದೇನೆ ಹಾಗೂ ಸುರಕ್ಷಿತವಾಗಿದ್ದೇನೆ. ಹೊಸ ಸಾಮಾನ್ಯ ಜೀವನ…..2021 . ಧನ್ಯವಾದ ಯುಎಇ ಎಂದು ಬರೆದುಕೊಂಡಿದ್ದಾರೆ. ದುಬೈ ಡಿಸೆಂಬರ್​ ತಿಂಗಳ ಕೊನೆಯ ವಾರದಿಂದ ಫೈಜರ್​ ಲಸಿಕೆಗೆ ತುರ್ತು ಅನುಮೋದನೆ ನೀಡಿದೆ. ಶಿಲ್ಪಾ ಶಿರೋಡ್ಕರ್​ ನಟ ಮಹೇಶ್​ ಬಾಬು ಪತ್ನಿಯ ಹಿರಿಯ ಸಹೋದರಿ. ಅಪರೇಶ್​ ರಂಜಿತ್​​ರೊಂದಿಗೆ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿರುವ ನಟಿ ದುಬೈನಲ್ಲಿ ವಾಸವಾಗಿದ್ದಾರೆ.

https://www.instagram.com/p/CJtLSdllGyW/?utm_source=ig_web_copy_link