ಅಚ್ಚರಿಗೆ ಕಾರಣವಾಗಿದೆ ಕಾರಿನ ಛಾವಣಿ ಮೇಲೆ ಮೂಡಿದ ವಿಚಿತ್ರ ಹೆಜ್ಜೆ ಗುರುತು..!

ಒದ್ದೆಯಾದ ಪಾದದಿಂದ ನೆಲದ ಮೇಲೆ ನಡೆದ್ರೆ ಸಾಮಾನ್ಯವಾಗಿ ನಮ್ಮ ಹೆಜ್ಜೆ ಗುರುತು ನೆಲದ ಮೇಲೆ ಮೂಡೋದು ಸಾಮಾನ್ಯ. ಆದರೆ ಮನುಷ್ಯನು ನಡೆಯಲು ಸಾಧ್ಯವಾಗದ ಸ್ಥಳದಲ್ಲಿ ಹೆಜ್ಜೆ ಮೂಡಿದರೆ ಗೊಂದಲ ಮೂಡೋದು ಸಹಜ. ಅದರಲ್ಲೂ ಆ ಹೆಜ್ಜೆ ಗುರುತಲ್ಲಿ ನಾಲ್ಕೇ ಬೆರಳಿನ ಅಚ್ಚು ಮೂಡಿದ್ರೆ ಇನ್ನು ಆಶ್ಚರ್ಯ ಉಂಟಾಗುತ್ತೆ.

ಅಲಿಸಿಯಾ ಸ್ಮಿತ್​ ತನ್ನ ಕಾರಿನ ಮೇಲೆ ನಾಲ್ಕು ಕಾಲ್ಬೆರೆಳಿನ ಹೆಜ್ಜೆ ಗುರುತನ್ನ ನೋಡಿ ಗೊಂದಲಕ್ಕೆ ಒಳಗಾಗಿದ್ದಾರೆ. ತಮ್ಮ ಕಾರಿನ ಛಾವಣಿ ಮೇಲೆ ಮೂಡಿದ ಈ ನಾಲ್ಕು ಬೆರಳಿನ ಪಾದದ ಗುರುತನ್ನ ಅಲಿಸಿಯಾ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ನಾನು ಈ ಮೊದಲು ಇಂತಹ ಹೆಜ್ಜೆ ಗುರುತನ್ನ ಎಲ್ಲಿಯೂ ಕಂಡಿಲ್ಲ. ಇದು ವಿಚಿತ್ರ ಆಕಾರ ಹಾಗೂ ನಾಲ್ಕು ಕಾಲ್ಬೆರಳನ್ನ ಹೊಂದಿದೆ. ಇದು ಮಗುವಿನ ಹೆಜ್ಜೆಯೋ ಇಲ್ಲ ವಯಸ್ಕರದ್ದೋ ಅನ್ನೋದು ನಮಗೆ ಖಚಿತವಿಲ್ಲ. ಅಲ್ಲದೇ ಈ ಹವಾಮಾನದಲ್ಲಿ ಯಾರಾದರೂ ಬರಿಗಾಲಲ್ಲಿ ನಡೆಯೋಕೆ ಸಾಧ್ಯವೇ ಎಂದು ಪ್ರಶ್ನೆ ಮಾಡಿದ್ದಾರೆ.