ಶಾಕಿಂಗ್‌ ಸುದ್ದಿ: 2064ರ ಹೊತ್ತಿಗೆ ನಾಶವಾಗುತ್ತಂತೆ ಅಮೆಜಾನ್​ ಕಾಡು..!

ಪೀರ್​ ರಿವೀವ್ಡ್​ ಎನ್ವಿರಾನ್​ಮೆಂಟ್​​ನಲ್ಲಿ ಪ್ರಕಟವಾದ ವರದಿಯೊಂದರಲ್ಲಿ ಅಮೆಜಾನ್​ ಕಾಡುಗಳು 2064ರ ಹೊತ್ತಿಗೆ ತನ್ನ ಹಸಿರು ಸಂಪತ್ತನ್ನ ಕಳೆದುಕೊಳ್ಳುತ್ತವೆ ಎಂದು ಊಹಿಸಲಾಗಿದೆ. ವಿಜ್ಞಾನಿ ರಾಬರ್ಟ್​ ವಾಕರ್​​ ಈ ರೀತಿ ಅಂದಾಜಿಸಿದ್ದಾರೆ.

ಫ್ಲೋರಿಡಾ ವಿಶ್ವವಿದ್ಯಾಲಯದಲ್ಲಿ ಹೇಳಿರುವ ಪ್ರಕಾರ, ಕಾಲ ಕಳೆದಂತೆ ಅಮೆಜಾನ್​ ಕಾಡುಗಳು ಸವನ್ನಾ ಆಗಿ ಮಾರ್ಪಾಡಾಗಲಿವೆ. ಅರಣ್ಯ ನಾಶದಿಂದಾಗಿ 2064ರ ಹೊತ್ತಿಗೆ ಅಮೆಜಾನ್​ ಕಾಡನ್ನ ಸಂಪೂರ್ಣ ಮಾಯ ಮಾಡುತ್ತೆ. ಬರಗಾಲ ಸಮಸ್ಯೆ ಅಮೆಜಾನ್ ಕಾಡನ್ನ ನುಂಗಿ ಹಾಕಲಿದೆ ಎಂದು ಅಂದಾಜಿಸಿದ್ದಾರೆ.

ಅಮೆಜಾನ್​ ಕಾಡಿನಿಂದ ಕೇವಲ ಈ ಭಾಗದ ಜನತೆಗೆ ಮಾತ್ರಕ್ಕೆ ಉಪಯೋಗ ಇಲ್ಲ. ಬದಲಾಗಿ ಸಂಪೂರ್ಣ ವಿಶ್ವಕ್ಕೆ ಅಮೆಜಾನ್​ ಕಾಡಿಗೆ ಅನಿವಾರ್ಯತೆ ಇದೆ. 2.3 ದಶಲಕ್ಷ ಚದರ ಮೈಲಿ ಪ್ರದೇಶದಲ್ಲಿ ವಿಶ್ವದಲ್ಲಿ ಆಮ್ಲಜನಕ ಉತ್ಪತ್ತಿ ಜಾಸ್ತಿ ಮಾಡಿ ಇಂಗಾಲದ ಚಕ್ರವನ್ನ ನಿಯಂತ್ರಣ ಮಾಡುತ್ತೆ. ಇದರಿಂದ ವಾಯುಮಾಲಿನ್ಯ ಕಡಿಮೆ ಆಗಲಿದೆ. ಆದ್ದರಿಂದ ಇದನ್ನ ಭೂಮಿಯ ಶ್ವಾಸಕೋಶ ಎಂದು ಕರೆಯಲಾಗುತ್ತೆ.