ಸಾಮಾಜಿಕ ಮಾಧ್ಯಮದಿಂದ ಪ್ರೇರಣೆ ಪಡೆದು ವಿದ್ಯಾರ್ಥಿನಿ ಮಾಡಿದ್ಲು ಈ ಕೆಲಸ..!

ಪಶು ವೈದ್ಯಕೀಯ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿನಿ ವಿಭಾ ತೋಮರ್​ ಬೀದಿ ನಾಯಿಗಳ ಪಾಲಿಗೆ ದೇವದೂತೆಯಾಗಿ ನಿಂತಿದ್ದಾರೆ. ಚಳಿಯಲ್ಲಿ ನಡುಗುವ ಬೀದಿ ನಾಯಿಗಳಿಗೆ ಬಳಕೆ ಮಾಡದೇ ಬಿಸಾಡಿದ ಟೈರ್​ಗಳಿಂದ ಹಾಸಿಗೆಯನ್ನ ತಯಾರಿಸಿಕೊಟ್ಟಿದ್ದಾರೆ. ವಿದ್ಯಾರ್ಥಿನಿ ವಿಭಾ ದೆಹಲಿ ಮೂಲದವರಾಗಿದ್ದಾರೆ.

ದೆಹಲಿಯಲ್ಲಿ ಜನವರಿ ತಿಂಗಳಲ್ಲಿ ಪ್ರತಿವರ್ಷ ತಾಪಮಾನ ಸಿಕ್ಕಾಪಟ್ಟೆ ಇಳಿಕೆಯಾಗಿರುತ್ತೆ. ಇಂತಹ ಸಮಯದಲ್ಲಿ ಬೀದಿ ನಾಯಿಗಳಿಗೆ ಚಳಿಯಿಂದ ಸಮಸ್ಯೆ ಆಗಬಾರದು ಅಂತಾ ವಿಭಾ ಈ ಮಾನವೀಯ ಕೆಲಸಕ್ಕೆ ಕೈ ಹಾಕಿದ್ದಾರೆ.

ದೆಹಲಿಯಲ್ಲಿ ಸಿಕ್ಕಾಪಟ್ಟೆ ಚಳಿ ಇರುವ ಸಮಯವಿದೆ. ಹೀಗಾಗಿ ಚಳಿಗಾಲದಲ್ಲಿ ಕಷ್ಟಪಡುತ್ತಿರುವ ಬೀದಿ ನಾಯಿಗಳನ್ನ ಕಂಡು ನನ್ನ ಮನ ಮರುಗಿತು. ಇನ್ಸ್​ಟಾಗ್ರಾಂನಲ್ಲಿ ಟೈರ್​​ನಿಂದ ತಯಾರು ಮಾಡಿದ ಹಾಸಿಗೆಯನ್ನ ನೋಡಿ ಪ್ರೇರಣೆ ಪಡೆದ ಬಳಿಕ ನಾನು ಕೂಡ ಈ ಕೆಲಸ ಮಾಡಲು ಶುರು ಮಾಡಿದೆ ಅಂತಾ ವಿಭಾ ಹೇಳಿದ್ದಾರೆ.