ಪಿಎಫ್ ಖಾತೆದಾರರಿಗೆ ಮತ್ತೊಂದು ಗುಡ್ ನ್ಯೂಸ್: ಇಲ್ಲಿದೆ ಮಾಹಿತಿ

ನೀವು ಯಾವುದಾದರೂ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿರುವವರಾದರೆ ನಿಮಗೆ ಪಿಎಫ್​ ಮಾಹಿತಿ ಇದ್ದೇ ಇರುತ್ತೆ. ನಿಮ್ಮ ಪ್ರತಿ ತಿಂಗಳ ಸಂಬಳದಲ್ಲಿ ಕಡಿತಗೊಂಡ ಹಣವನ್ನ ಈ ಪಿಎಫ್​ ಖಾತೆಯಲ್ಲಿ ಸಂಗ್ರಹಿಸಿ ಇಡಲಾಗುತ್ತೆ. ಪಿಎಫ್​ ಖಾತೆ ಹೊಂದಿರುವ ಪ್ರತಿಯೊಬ್ಬ ನೌಕರನ ಬಳಿಯೂ ಯುನಿವರ್ಸಲ್​ ಅಕೌಂಟ್​ ನಂಬರ್​ ಅಂದರೆ ಯುಎಎನ್​ ನಂಬರ್​ ಇರುತ್ತೆ. ಈ ಯುಎಎನ್​ ನಂಬರ್​ ಮೂಲಕ ನೀವು ನಿಮ್ಮ ಪಿಎಫ್​ ಖಾತೆಯಲ್ಲಿ ನಡೆಯುತ್ತಿರುವ ವಹಿವಾಟಿನ್ನ ಬಗ್ಗೆ ತಿಳಿದುಕೊಳ್ಳಬಹುದಾಗಿದೆ. ನೀವು ಕಂಪನಿ ಅಲ್ಲವೇ ಸಂಸ್ಥೆಯನ್ನ ಬದಲಾಯಿಸಿದರೂ ಸಹ ಈ ಯುಎಎನ್​ ನಂಬರ್​ ಮಾತ್ರ ಬದಲಾಗೋದಿಲ್ಲ.
ಎಲ್ಲಾ ಬ್ಯಾಂಕ್​ ಖಾತೆಗಳಂತೆಯೇ ಯುಎಎನ್​​ಗೂ ನೀವು ನಿಮ್ಮ ಅಧಿಕೃತ ಮೊಬೈಲ್​ ನಂಬರ್​ನ್ನ ನೋಂದಾಯಿಸಬೇಕಾಗುತ್ತೆ. ನೀವು ದಾಖಲೆ ಮಾಡಿದ ಮೊಬೈಲ್​ ನಂಬರ್​​ಗೆ ಪಿಎಫ್​ ಖಾತೆಗೆ ಸಂಬಂಧಿಸಿದ ಎಲ್ಲಾ ಮೆಸೇಜ್​ಗಳೂ ಬರುತ್ತವೆ. ಒಂದು ವೇಳೆ ನೀವು ನಿಮ್ಮ ಮೊಬೈಲ್​ ನಂಬರ್​ನ್ನ ಬದಲಾವಣೆ ಮಾಡಿದ್ರಿ ಅಂದರೆ ಯುಎಎನ್​ನಲ್ಲೂ ಈ ನಂಬರ್​ನ್ನ ಆದಷ್ಟು ಬೇಗ ನೋಂದಾಯಿಸೋದು ನಿಮಗೆ ಒಳ್ಳೆಯದು. ಹಾಗಾದ್ರೆ ಈ ಮೊಬೈಲ್​ ನಂಬರ್​​ನ್ನ ಹೇಗೆ ಪಿಎಫ್​ ಖಾತೆಗೆ ನೋಂದಾಯಿಸೋದು ಅಂತಾ ತಿಳಿದುಕೊಳ್ಳಲು ಮುಂದೆ ಓದಿ.

https://www.epfindia.gov.in/site_en/index.php ಲಾಗಿನ್​ ಆಗಿ ನಿಮ್ಮ ಯುಎಎನ್​ ನಂಬರ್​ ಹಾಗೂ ಪಾಸ್​ವರ್ಡ್​ ಅನ್ನು ನೋಂದಾಯಿಸಿ. ಮ್ಯಾನೇಜ್​ ಟ್ಯಾಬ್​ ಮೇಲೆ ಕ್ಲಿಕ್​ ಮಾಡಿ ಕ್ಯಾಂಟಾಕ್ಟ್​ ಡಿಟೇಲ್ಸ್ ಆ್ಯಕೆಯಲ್ಲಿ ಚೇಂಜ್​ ಮೊಬೈಲ್​ ನಂಬರ್​ ಆಯ್ಕೆಯನ್ನ ಆಯ್ದುಕೊಳ್ಳಿ. ಇಲ್ಲಿ ನಿಮ್ಮ ಹೊಸ ಮೊಬೈಲ್​ ಸಂಖ್ಯೆಯನ್ನ ದಾಖಲಿಸಿ. ಹೊಸ ಮೊಬೈಲ್​ ಸಂಖ್ಯೆಯನ್ನ ಖಾತ್ರಿ ಮಾಡಲು ಇನ್ನೊಮ್ಮೆ ನಿಮ್ಮ ಮೊಬೈಲ್​ ನಂಬರ್ ಸಂಖ್ಯೆಯನ್ನ ಟೈಪ್​ ಮಾಡಿದೆ. ಇದಾದ ಬಳಿಕ ಒಟಿಪಿಯನ್ನ ಕಳಿಸಲು ನಿಮಗೆ ಅನುಮತಿ ಕೇಳಲಾಗುತ್ತೆ. ನೀವು ಅನುಮತಿ ನೀಡಿದ ಬಳಿಕ ನೀವು ನೋಂದಾಯಿಸಿದ ಹೊಸ ಸಂಖ್ಯೆಗೆ ಒಟಿಪಿ ಬರಲಿದೆ. ಈ ಒಟಿಪಿಯನ್ನ ನಮೂದಿಸಿ ಸೇವ್​ ಬಟನ್​ ಕ್ಲಿಕ್​ ಮಾಡಿ. ಈ ರೀತಿ ಮಾಡುವ ಮೂಲಕ ನೀವು ನಿಮ್ಮ ಮೊಬೈಲ್​ ಸಂಖ್ಯೆಯನ್ನ ಬದಲಾಯಿಸಬಹುದಾಗಿದೆ.