ಪಂಗನಾ ರಣಾವತ್​ ಆಗಿ ಬದಲಾದರು ಕಂಗನಾ…!

ಕೃಷಿ ಮಸೂದೆ ವಿರೋಧಿಸಿ ರೈತರು ನಡೆಸುತ್ತಿರುವ ಪ್ರತಿಭಟನೆ ಸಾಮಾಜಿಕ ಮಾಧ್ಯಮದಲ್ಲಿ ಕಂಗನಾ ರಣಾವತ್​ ಹಾಗೂ ಗಾಯಕ ದಿಲ್ಜಿತ್​ ಡೋಸಾಂಜ್​ ನಡುವೆ ದೊಡ್ಡ ಗಲಾಟೆಯನ್ನೇ ಸೃಷ್ಟಿಸಿದೆ.

ಸಿಖ್​ ಮಹಿಳೆಯನ್ನ ಶಹೀನ್​ ಬಾಗ್​ ಮಹಿಳೆ ಎಂದು ತಪ್ಪಾಗಿ ಅರ್ಥೈಸಿಕೊಂಡ ಕಂಗನಾ ಆಕ್ರೋಶಭರಿತ ಟ್ವೀಟ್​ ಮಾಡಿದ್ದರು. ಈ ಟ್ವೀಟ್​ನ್ನ ಅವರು ಅಳಿಸಿಹಾಕಿದ್ದರೂ ಸಹ ದಿಲ್ಜಿತ್​ ಇದನ್ನ ಖಂಡಿಸಿದ್ದರು. ಸಾಮಾಜಿಕ ಜಾಲತಾಣದ ಬಹುತೇಕ ಮಂದಿ ದಿಲ್ಜಿತ್​ಗೆ ಸಾಥ್​ ನೀಡಿದ್ದರು.

ಇದೀಗ ಕಾಮಿಡಿಯನ್​ ಸಲೋನಿ ಗೌರ್, ಕಂಗನಾ ಹಾಗೂ ದಿಲ್ಜಿತ್​ರ ಪಾತ್ರವನ್ನ ಕಾಲೇಜು ಪ್ರತಿಭಟನೆಗೆ ಸಂಬಂಧಿಸಿ ವಿಡಿಯೋವೊಂದನ್ನ ಹರಿಬಿಟ್ಟಿದ್ದು ನೆಟ್ಟಿಗರು ಹೊಟ್ಟೆ ಹುಣ್ಣಾಗುವಂತೆ ನಗ್ತಿದ್ದಾರೆ.

ಕಂಗನಾ ರಣಾವತ್ ಪಾತ್ರ ನಿರ್ವಹಿಸಿರುವ ಸಲೊನಿ ತಮ್ಮ ಹೆಸರನ್ನ ಪಂಗನಾ ರಣಾವತ್​ ಎಂದು ಬದಲಿಸಿಕೊಂಡಿದ್ದಾರೆ. ತಮ್ಮನ್ನ ತಾವು ಮಾಸ್​ ಮಿಸ್​ ಕಮ್ಯೂನಿಕೇಷನ್​ ವಿದ್ಯಾರ್ಥಿನಿ, ಲೇಖಕಿ, ನಿರ್ದೇಶಕಿ ಹಾಗೂ ನಿರ್ಮಾಪಕಿ ಎಂದು ವಿಡಿಯೋದಲ್ಲಿ ಪರಿಚಯ ಮಾಡಿಕೊಂಡಿದ್ದಾರೆ.