ಸೋಶಿಯಲ್ ಮೀಡಿಯಾ ದೈತ್ಯ ಫೇಸ್ಬುಕ್ ಬಳಕೆದಾರರ ಸುರಕ್ಷತೆಯನ್ನ ಗಮನದಲ್ಲಿಟ್ಟುಕೊಂಡು ಮುಂದಿನ ವರ್ಷದಿಂದ ಅನೇಕ ಮುಖ್ಯ ಬದಲಾವಣೆಗಳನ್ನ ತರಲಿದೆ ಎಂದು ಹೇಳಿದೆ. ಫೇಸ್ಬುಕ್ಗೆ ಲಾಗಿನ್ ಆಗುವ ಮುನ್ನ ಬಳಕೆದಾರರು ತಮ್ಮ ಗುರುತನ್ನ ದೃಢೀಕರಿಸುವಂತವ ವ್ಯವಸ್ಥೆಯನ್ನ ಫೇಸ್ಬುಕ್ ತರಲಿದೆ.
ಮಾರ್ಕ್ ಜುಕರ್ ಬರ್ಗ್ ಒಡೆತನದ ಫೇಸ್ಬುಕ್ ಸಂಸ್ಥೆ ಬಳಕೆದಾರರು ಪ್ರತಿ ಬಾರಿ ಕಂಪ್ಯೂಟರ್ನಲ್ಲಿ ಲಾಗಿನ್ ಆಗುವ ಮೊದಲು ಹಾರ್ಡ್ ಸೆಕ್ಯೂರಿಟಿ ಕೀಯನ್ನ ಬಳಕೆ ಮಾಡುವಂತಹ ಆಯ್ಕೆಯನ್ನ ನೀಡಲಿದೆ. ಈ ಹಾರ್ಡ್ವೇರ್ ಸೆಕ್ಯೂರಿಟಿ ಕೀಯನ್ನ ಚಿಲ್ಲರೆ ವ್ಯಾಪಾರಿಗಳ ಮೂಲಕ ಖರೀದಿ ಮಾಡಬಹುದು ಹಾಗೂ ಫೇಸ್ಬುಕ್ನಲ್ಲಿ ನೋಂದಣಿ ಮಾಡಿಕೊಳ್ಳಬಹುದಾಗಿದೆ.
ವಿಶ್ವದ ಅತೀ ದೊಡ್ಡ ಸಾಮಾಜಿಕ ನೆಟ್ವರ್ಕ್ ಆದ ಫೇಸ್ಬುಕ್ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಲಿದೆ. ಅಂದರೆ ಉನ್ನತ ಮಟ್ಟದ ಖಾತೆಗಳಿಗೆ ಇನ್ಮುಂದೆ ಬೇರೆ ರೀತಿಯ ಭದ್ರತಾ ವ್ಯವಸ್ಥೆ ಇರಲಿದೆ. ಪ್ರಸ್ತುತ ಅಮೆರಿಕದಲ್ಲಿ ಈ ವ್ಯವಸ್ಥೆ ಲಭ್ಯವಿದೆ. ಹ್ಯಾಕರ್ಸ್ಗಳ ಕಾಟದಿಂದ ತಪ್ಪಿಸುವ ಸಲುವಾಗಿ ರಾಜಕಾರಣಿಗಳು, ಸರ್ಕಾರಿ ಸಂಸ್ಥೆಗಳು ಹಾಗೂ ಚುನಾವಣಾ ಸಿಬ್ಬಂದಿಗೆ ಹೆಚ್ಚುವರಿ ನಿಬಂಧನೆಗಳನ್ನ ವಿಧಿಸಲಾಗುತ್ತೆ.
Loading ...