1998ರ ಕೋಕಾಕೋಲಾ ಜಾಹಿರಾತಿನ ಹಿಂದಿದೆ ರೋಚಕ ಕತೆ..!

ಟಿವಿ ನಿರೂಪಕಿ ಮಾರಿಯಾ ಗೊರೆಟ್ಟಿ ತಾವು 1998ರಲ್ಲಿ ನಟಿಸಿದ್ದ ಕೋಕಾ ಕೋಲಾ ಇಂಡಿಯಾದ ಜಾಹೀರಾತಿನ ವಿಡಿಯೋ ಪೋಸ್ಟ್ ಮಾಡಿದ್ದಾರೆ. ಈ ಜಾಹೀರಾತು ನನ್ನಂತೆಯೇ ಕೂಲ್​ ಆಗಿತ್ತು ಅಂತಾ ಇನ್ಸ್​ಟಾಗ್ರಾಂ ಪೋಸ್ಟ್​ನಲ್ಲಿ ಹೇಳಿಕೊಂಡಿದ್ದಾರೆ.

ಮಾರಿಯಾ ತಮ್ಮ ಇನ್ಸ್ಟಾ ಪೋಸ್ಟ್​​ನಲ್ಲಿ ಸಬಲ್​ ಸಿಂಗ್​ ಶೆಖಾವತ್​ ನಿರ್ದೇಶನ ಹಾಗೂ ವಿಕ್​ ಶಿವರಾಮನ್​ ಚಿತ್ರೀಕರಿಸಿದ ಜಾಹೀರಾತನ್ನ ಹಂಚಿಕೊಂಡಿದ್ದಾರೆ. ಅಲ್ಲದೇ ಜಾಹಿರಾತಿನ ಹಿಂದಿನ ಕತೆಯನ್ನೂ ಹಂಚಿಕೊಂಡಿದ್ದಾರೆ.

ಕೋಕಾ ಕೊಲಾ ಇಂಡಿಯಾದ ಶೂಟಿಂಗ್​​ಗೆ ಭಾಗಿಯಾಗಿದ್ದಕ್ಕೆ ನನಗೆ ಸಂತೋಷವಿದೆ. ನಾನಾಗ ನನ್ನ ಖಾತೆಯಲ್ಲಿದ್ದ ಹಣವನ್ನೆಲ್ಲ ಖಾಲಿ ಮಾಡಿ ಅಪಾರ್ಟ್​ಮೆಂಟ್​ ಒಂದನ್ನ ಖರೀದಿ ಮಾಡಿದ್ದೆ. ಈ ಜಾಹೀರಾತಿನ ಆಫರ್​ ನನ್ನ ಮುಂದೆ ಬಂದಾಗ ನಾನು ಗೃಹ ಸಾಲ ಪಾವತಿ ಮಾಡುತ್ತಿದ್ದೆ.

ಜಾಹೀರಾತಿನ ಹಣದಿಂದ ನನ್ನ ಮನೆಯ ಪೀಠೋಪಕರಣಗಳನ್ನ ಜೋಡಿಸೋದು ನನಗೆ ಸುಲಭವಾಯ್ತು. ಸ್ವತಂತ್ರ್ಯವಾಗಿ ಬದುಕೋದಕ್ಕಿಂತ ಹೆಚ್ಚು ಮಹಿಳೆಗೆ ಇನ್ನೇನು ಬೇಕು ಅಂತಾ ಬರೆದುಕೊಂಡಿದ್ದಾರೆ.

https://www.instagram.com/p/CJDO1GhAxIT/?utm_source=ig_web_copy_link