ಕಣ್ಣು ಕುಕ್ಕಿಸುವಂತಿದೆ ಅಂಬಾನಿ ಅರಮನೆ ವೈಭೋಗ

ಮುಂಬೈ: ವಿಶ್ವದ ಅತಿ ಶ್ರೀಮಂತರಲ್ಲಿ ಒಬ್ಬರಾದ ಮುಖೇಶ್ ಅಂಬಾನಿ ಅವರ ಮನೆ ಹೇಗಿದೆ ಗೊತ್ತಾ..? ಅವರ ಮನೆಯ ಐಶಾರಾಮಿಗೆ ಬೇರೆ ಮನೆಗಳನ್ನು ಹೋಲಿಸುವಂತೆಯೇ ಇಲ್ಲ. ಅಂಥ ಅಪರೂಪದ ಮಹಲ್ ಇದಾಗಿದೆ. ಮನೆಯ ಒಳನೋಟದ ಚಿತ್ರಗಳು ಇನ್ಸ್ಟಾಗ್ರಾಂ ಕೃಪೆಯಿಂದ ಸಿಕ್ಕಿವೆ.‌

ದಕ್ಷಿಣ ಮುಂಬೈನ ಅಲ್ಟಾಮೌಂಟ್ ರಸ್ತೆಯಲ್ಲಿ ಅಂಟಿಲಿಯಾ ಮನೆಯಿದೆ. ಅಲ್ಲಿ ಮುಖೇಶ್ ಅಂಬಾನಿ ಹಾಗೂ ಅವರ ಪತ್ನಿ ನೀತಾ ವಾಸಿಸುತ್ತಾರೆ. ಚಿಕಾಗೋ ಮೂಲದ ಆರ್ಕಿಟೆಕ್ಚರ್ ಪೆರ್ಕಿನ್ಸ್ ವಿಲ್ ವಿನ್ಯಾಸ ಮಾಡಿದ್ದಾರೆ. ಆಸ್ಟ್ರೇಲಿಯಾ ಮೂಲದ ನಿರ್ಮಾಣ ಕಂಪನಿ ಲಿಂಗ್ಟೌನ್ ಹೋಲ್ಡಿಂಗ್ಸ್ ನಿರ್ಮಾಣ ಕಾರ್ಯ ನಡೆಸಿದೆ.

4 ಲಕ್ಷ ಸ್ಕ್ವಾರ್ ಫೀಟ್ ವಿಸ್ತೀರ್ಣವಿರುವ ಮನೆಗೆ 27 ಅಂತಸ್ತುಗಳಿವೆ. 40 ಅಂತಸ್ಸುಗಳ ಮನೆಯಷ್ಟು ಎತ್ತರವಿದೆ. 2 ಬಿಲಿಯನ್ ಡಾಲರ್ ಮೌಲ್ಯದ ಮನೆಯೊಳಗೇ ಸಲೂನ್, ಸಿನೆಮಾ‌ ಥಿಯೇಟರ್‌, ಸ್ನೋ ರೂಂ ಕೂಡ ಇದೆ.