ರೈತ ಹೋರಾಟದಲ್ಲಿ ಭಾಗಿಯಾಗಲು 1000 ಕಿ.ಮೀ. ಸೈಕಲ್ ತುಳಿದ ವೃದ್ಧ

ಕೃಷಿ ಮಸೂದೆ ವಿರೋಧಿಸಿ ದೆಹಲಿಯಲ್ಲಿ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಭಾಗಿಯಾಗುವ ಸಲುವಾಗಿ 60 ವರ್ಷದ ವೃದ್ಧ ಬರೋಬ್ಬರಿ 1 ಸಾವಿರ ಕಿಲೋಮೀಟರ್​ವರೆಗೆ ಸೈಕಲ್​ ಸವಾರಿ ಮಾಡಿದ್ದಾರೆ. ಬಿಹಾರದ ಸಿವಾನ್​ ಪ್ರದೇಶದ ಸತ್ಯದೇವ್​ ಸೈಕಲ್​ ಮೂಲಕವೇ ದೆಹಲಿ ಪ್ರತಿಭಟನಾ ಸ್ಥಳವನ್ನ ತಲುಪಿದ್ದಾರೆ. 11 ದಿನಗಳ ಸೈಕಲ್​ ಸವಾರಿ ಮೂಲಕ ದೆಹಲಿ – ಹರಿಯಾಣ ಗಡಿ ತಲುಪಿದ್ದಾರೆ.

ನನ್ನ ತವರು ಜಿಲ್ಲೆಯಾದ ಸಿವಾನ್​​ನಿಂದ ಇಲ್ಲಿಯವರೆಗೆ ಬರಲು ನನಗೆ 11 ದಿನಗಳು ಬೇಕಾಯಿತು. ಕೇಂದ್ರ ಸರ್ಕಾರ ಕೃಷಿ ಕಾನೂನನ್ನ ಹಿಂಪಡೆಯಬೇಕು. ಈ ಚಳವಳಿ ಮುಗಿಯುವರೆಗೂ ನಾನು ಇಲ್ಲಿಯೇ ಇರುತ್ತೇನೆ ಎಂದು ಸತ್ಯದೇವ್​ ಹೇಳಿದ್ದಾರೆ.

ಕೇಂದ್ರ ಸರ್ಕಾರದ ಕೃಷಿ ಕಾನೂನನ್ನ ವಿರೋಧಿಸಿ ನವೆಂಬರ್​ 26ರಿಂದ ರೈತರು ದೆಹಲಿಯ ವಿವಿಧ ಭಾಗಗಳಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ.