ಕೊರೊನಾ ನಡುವೆಯೂ ಅತಿಥಿಗಳಿಗೆ ವಿಶಿಷ್ಟ ರೀತಿಯಲ್ಲಿ ಮಗನ ಮದುವೆ ಊಟ ಹಾಕಿಸಿದ ತಂದೆ…!

ಮದುವೆ ಅಂದರೆ ಸಾಕು ಸಂಭ್ರಮಗಳ ಜೊತೆಗೆ ನೆನಪಾಗೋದೇ ಅದ್ಧೂರಿ ಭೋಜನ. ಆದರೆ ಕೊರೊನಾದಿಂದಾಗಿ ಭರ್ಜರಿ ವಿವಾಹ ಸಮಾರಂಭಕ್ಕೆ ಬ್ರೇಕ್​ ಬಿದ್ದಿದೆ. ದೂರದಿಂದಲೇ ನವಜೋಡಿಗೆ ಶುಭ ಹಾರೈಸಬೇಕಾದ ಈ ಅನಿವಾರ್ಯ ಸಂದರ್ಭದಲ್ಲಿ ಅನೇಕರು ಮದುವೆ ಊಟವನ್ನ ಮಿಸ್​ ಮಾಡಿಕೊಳ್ತಿರೋದಂತೂ ನೂರಕ್ಕೆ ನೂರರಷ್ಟು ಸತ್ಯ.

ಆದರೆ ಚೆನ್ನೈನಲ್ಲಿ ತಂದೆಯೊಬ್ಬ ಕೊರೊನಾ ಸಂದರ್ಭದಲ್ಲೂ ತಮ್ಮ ಪುತ್ರನ ಮದುವೆ ಊಟವನ್ನ ಎಲ್ಲರಿಗೂ ಹಾಕಿಸಬೇಕು ಎಂದು ಹೊಸ ಪ್ಲಾನ್​ ಮಾಡಿದ್ದಾರೆ. ಹಾಗಂತ ಅವರು ಎಲ್ಲರನ್ನ ಮದುವೆ ಹಾಲ್​ಗೆ ಕರೆದು ಸಿಹಿ ಊಟ ಹಾಕಿಸಿಲ್ಲ. ಬದಲಾಗಿ ಅತಿಥಿಗಳ ಮನೆಗೇ ಮದುವೆ ಊಟವನ್ನ ಪಾರ್ಸೆಲ್​ ಮಾಡಿದ್ದಾರೆ.

ಮದುವೆ ಆಮಂತ್ರಣದ ಜೊತೆಗೆ ಮದುವೆ ಊಟ ಕೂಡ ಅತಿಥಿಗಳ ಮನೆಗೆ ತಲುಪಿಸಲಾಗಿದ್ದು ಈ ವಿಚಾರ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ಮದುವೆ ಆಮಂತ್ರಣ ಪತ್ರಿಕೆಯಲ್ಲಿ ಡಿಸೆಂಬರ್​ 10ರಂದು ನಮ್ಮ ಪುತ್ರನ ಮದುವೆ ಸಮಾರಂಭದ ಊಟವನ್ನ ನಿಮ್ಮ ಮನೆಗೆ ಕಳುಹಿಸಿಕೊಡಲಿದ್ದೇವೆ ಅದನ್ನ ಸ್ವೀಕರಿಸಿ ಎಂದು ಪ್ರಿಂಟ್​ ಮಾಡಲಾಗಿದೆ. ಅದರಂತೆಯೇ ಸುಮಾರು 700 ಮಂದಿ ಅತಿಥಿಗಳಿಗೆ ಮದುವೆಯ ದಿನ ಸಿಹಿ ಊಟ ಪಾರ್ಸೆಲ್​ ಮಾಡಲಾಗಿದೆ.

ಕಲರ್​ಫುಲ್​ ವ್ಯಾಕ್​​ನಲ್ಲಿ ಒಂದು ದೊಡ್ಡ ಹಾಗೂ ಸಣ್ಣ ಟಿಫಿನ್ ಕ್ಯಾರಿಯರ್​ ಇಡಲಾಗಿದೆ. ಇದರ ಜೊತೆಗೆ ಬಾಳೆಎಲೆಯನ್ನೂ ಪ್ಯಾಕ್​ ಮಾಡಲಾಗಿದೆ. ಇದರಲ್ಲಿ ಸಾಂಬಾರ್, ರಸಂ, ಪಾಯಸ ಹಾಗೂ ಖೀರ್​ ಸೇರಿದಂತೆ ಬರೋಬ್ಬರಿ 12 ಖಾದ್ಯಗಳನ್ನ ಕಳುಹಿಸಿಕೊಡಲಾಗಿತ್ತು.