ಮದ್ಯದ ಮತ್ತಿನಲ್ಲಿ ಕುದುರೆ ಸಮೇತ ಯುವತಿ ನಾಪತ್ತೆ…!

ಮೆಕ್ಸಿಕೋದಲ್ಲಿ ಮದ್ಯಪಾನ ಮಾಡಿ ಕುದುರೆ ಸವಾರಿಗೆ ಮುಂದಾಗಿದ್ದ ಅಮೆರಿಕದ ಯುವತಿ ಕಾಡಿನಲ್ಲಿ ಕಾಣೆಯಾದ ವಿಡಿಯೋವೊಂದು ಟಿಕ್​ಟಾಕ್​ನಲ್ಲಿ ವೈರಲ್​ ಆಗಿದೆ.‌

ಕುದುರೆ ಸವಾರಿ ಮಾಡುತ್ತಿದ್ದ ವೇಳೆ ಲಿಜ್​ ಹಿಕ್ಸ್​ ಎಂಬಾಕೆ ತಮ್ಮ ಗುಂಪಿನಿಂದ ಬೇರ್ಪಟ್ಟು ಕಾಡಿನಲ್ಲಿ ಒಬ್ಬಂಟಿಯಾಗಿದ್ದಾಳೆ. ಈ ಬಗ್ಗೆ ಆಕೆ ಟಿಕ್​ಟಾಕ್​​ನಲ್ಲಿ ವಿಡಿಯೋವನ್ನೂ ಶೇರ್​ ಮಾಡಿದ್ದಳು.

ಈಕೆ ಕಾಡಿನಲ್ಲಿ ಕಾಣೆಯಾದ ಬಗ್ಗೆ ಟಿಕ್​​ಟಾಕ್​ನಲ್ಲಿ ಹೇಳಿಕೊಳ್ಳುತ್ತಿದ್ದಂತೆ ನೆಟ್ಟಿಗರು ಆಕೆಯ ಸುರಕ್ಷತೆ ಬಗ್ಗೆ ಕಳವಳ ವ್ಯಕ್ರಪಡಿಸಿದ್ದರು. ಆದರೆ ಈಗ ಶುಭ ಮುಕ್ತಾಯವನ್ನ ಪಡೆದುಕೊಂಡಿದೆ.

ನಾನು ಈಗ ಮೆಕ್ಸಿಕೋದ ಯಾವುದೋ ಅರಣ್ಯ ಭಾಗದಲ್ಲಿ ಸಿಲುಕಿಹಾಕಿಕೊಂಡಿದ್ದೇನೆ. ನನಗೆ ಸ್ಪಾನಿಶ್​ ಮಾತನಾಡಲು ಬರುವುದಿಲ್ಲ. ನಾನು ಪಾನಮತ್ತಳಾಗಿದ್ದೆ. ಕುದುರೆ ಸವಾರಿ ಮಾಡುತ್ತಾ ಕಾಡಿನಲ್ಲಿ ದಾರಿತಪ್ಪಿದ್ದೇನೆ. ಇಲ್ಲಿರುವ ಯಾರಿಗೂ ನನ್ನ ಭಾಷೆ ಅರ್ಥವಾಗುತ್ತಿಲ್ಲ. ನಾನು ಎಲ್ಲಿಗೆ ಹೋಗುತ್ತಿದ್ದೇನೆ ಅನ್ನೋದು ನನಗೆ ಗೊತ್ತಿಲ್ಲ. ನಾನು ಕುದುರೆ ಮೇಲೆ ಕೂತು ಸವಾರಿ ಮಾಡುತ್ತಿದ್ದೇನೆ ಅನ್ನೋದಷ್ಟೇ ನನಗೆ ಗೊತ್ತು ಅಂತಾ ಟಿಕ್​ಟಾಕ್​ನಲ್ಲಿ ಹೇಳಿಕೊಂಡಿದ್ದಳು.

ಮೂಲಗಳ ಪ್ರಕಾರ ಈ ಘಟನೆ ಬೀಚ್​ ಟೌನ್​​ನ ಯೆಲಪಾ ಮುನ್ಸಿಪಾಲಿಟಿ ವ್ಯಾಪ್ತಿಯ ಕಾಬೋ ಕೊರಿಯಂಟ್ಸ್​ನಲ್ಲಿ ಸಂಭವಿಸಿದೆ. ಆದರೆ ಈಕೆ ಕಾಡಿನಲ್ಲಿ ಒಬ್ಬಂಟಿಯಾಗಿದ್ದರೂ ಸಹ ಅಷ್ಟೊಂದು ಭಯಗೊಂಡಂತೆ ಕಾಣುತ್ತಿರಲಿಲ್ಲ. ಖುಷಿ ವಿಚಾರ ಏನು ಅಂದರೆ ಆಕೆ ಕಾಡಿನ ದಾರಿಯಲ್ಲೇ ಕುದುರೆ ಸವಾರಿ ಮಾಡುತ್ತಾ ತನ್ನ ಹೋಟೆಲ್​ ತಲುಪೋದ್ರಲ್ಲಿ ಯಶಸ್ವಿಯಾಗಿದ್ದಾಳೆ.