ಕೊರೊನಾ ವಿರುದ್ಧದ ಹೋರಾಟಕ್ಕೆ ಭಾರತಕ್ಕೆ ಲಸಿಕೆ ಬೇಕಾ ಎಂದು ಪ್ರಶ್ನಿಸಿದ ಹರ್ಭಜನ್​ ಸಿಂಗ್​..!

ಅಲ್ಲದೇ ಭಾರತೀಯರಿಗೆ ಕೊರೊನಾದಿಂದ ಪಾರಾಗಲು ಲಸಿಕೆಯ ಅಗತ್ಯವಿಲ್ಲ ಅನ್ನೋದಕ್ಕೂ ಹರ್ಭಜನ್​ ಸಿಂಗ್​ ಮಾರ್ಮಿಕವಾಗಿ ಕಾರಣ ನೀಡಿದ್ದಾರೆ.

ಹರ್ಭಜನ್​​ ಸಿಂಗ್​ ಪೋಸ್ಟ್ ಮಾಡಿರುವ ಟ್ವೀಟ್​ನಲ್ಲಿ ಹರ್ಭಜನ್​ ಸಿಂಗ್​ ಲಸಿಕೆ ಏಕೆ ಅಗತ್ಯವಿಲ್ಲ ಅನ್ನೋದನ್ನ ವಿವರಿಸಿದ್ದಾರೆ.

ಕೊರೊನಾ ವಿರುದ್ಧ ಫೈಜರ್​ ಹಾಗೂ ಬಯೋಟೆಕ್​​ 94 ಪ್ರತಿಶತ ಪರಿಣಾಮಕಾರಿಯಾಗಿದೆ. ಮೊರ್ಡೆನಾ ಲಸಿಕೆ 90 ಪ್ರತಿಶತ ಹಾಗೂ ಆಕ್ಸ್​​ಫರ್ಡ್​ ಲಸಿಕೆ 93.6 ಪ್ರತಿಶತ ಪರಿಣಾಮಕಾರಿಯಾಗಿದೆ.

ಆದರೆ ಭಾರತ ಯಾವುದೇ ಲಸಿಕೆಯೇ ಇಲ್ಲದೇ 93.6 ಪ್ರತಿಶತ ರಿಕವರಿ ರೇಟ್​​​ ಹೊಂದಿದೆ. ಇಷ್ಟೊಳ್ಳೆ ರಿಕವರಿ ರೇಟ್​ ಹೊಂದಿರುವ ನಮಗೆ ನಿಜಕ್ಕೂ ಲಸಿಕೆ ಬೇಕಾ ಎಂದು ಪ್ರಶ್ನೆ ಮಾಡಿದ್ದಾರೆ.

ಹರ್ಭಜನ್​ ಸಿಂಗ್​ ಪೋಸ್ಟ್​ ನೋಡಿ ಅನೇಕರು ಶಹಬ್ಬಾಸ್​ ಅಂದಿದ್ರೆ ಇನ್ನೂ ಕೆಲವರು ಇಂತಹ ಮೂರ್ಖತನದ ವಿಚಾರಗಳನ್ನ ಶೇರ್​ ಮಾಡಬೇಡಿ ಎಂದು ಕಮೆಂಟ್​ ಮಾಡಿದ್ದಾರೆ.