ಕಬ್ಬಿನ ಗದ್ದೆಯಲ್ಲೇ ನಡೆದಿದೆ ಬೆಚ್ಚಿಬೀಳಿಸುವ ಘಟನೆ

ಮಂಡ್ಯ ಜಿಲ್ಲೆ ಕೊಪ್ಪ ಸಮೀಪದ ಹುರುಗಲವಾಡಿ ಗ್ರಾಮದ ಬಳಿ ಕಬ್ಬಿನಗದ್ದೆಯಲ್ಲಿ ಬಾಲಕಿ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿ ಕತ್ತು ಕೊಯ್ದು ಹತ್ಯೆ ಮಾಡಲಾಗಿದೆ.

ಬಳ್ಳಾರಿ ಜಿಲ್ಲೆ ಹಗರಿಬೊಮ್ಮನಹಳ್ಳಿ ತಾಲೂಕಿನ ಬಾಲಕಿ ಕುಟುಂಬದವರು ಕಬ್ಬು ಕಡಿಯಲು ಬಂದಿದ್ದರು. ಕೊಪ್ಪ ಸಮೀಪ ಟೆಂಟ್ ಹಾಕಿಕೊಂಡು ವಾಸವಾಗಿದ್ದು, ಬಾಲಕಿ ಕಬ್ಬು ಕಡಿಯಲು ತಾಯಿಯೊಂದಿಗೆ ಗದ್ದೆಗೆ ತೆರಳಿದ್ದಾಳೆ. ದುಷ್ಕರ್ಮಿಯೊಬ್ಬ ಬಾಲಕಿ ಎಳೆದೊಯ್ದು ಅತ್ಯಾಚಾರಕ್ಕೆ ಯತ್ನಿಸಿದ್ದು, ಆಕೆ ಕಿರುಚಾಡಿದಾಗ ಕತ್ತು ಕೊಯ್ದು ಕೊಲೆ ಮಾಡಿ ಪರಾರಿಯಾಗಿದ್ದಾನೆ ಎಂದು ಹೇಳಲಾಗಿದೆ. ಜಿಲ್ಲಾ ಪೊಲೀಸ್ ಅಧೀಕ್ಷಕ ಕೆ. ಪರಶುರಾಮ್ ಮತ್ತು ಡಿವೈಎಸ್ಪಿ ಪೃಥ್ವಿ ಹಾಗೂ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಮುಂದಿನ ಕ್ರಮಕೈಗೊಂಡಿದ್ದಾರೆ.