ಜಲ ಫಿರಂಗಿ ಬಂದ್​ ಮಾಡಿದ ಯುವ ಹೋರಾಟಗಾರ ಸಿನಿಮೀಯ ಮಾದರಿಯಲ್ಲಿ ಎಸ್ಕೇಪ್

ರೈತ ವಿರೋಧಿ ಮಸೂದೆಗಳನ್ನ ಧಿಕ್ಕರಿಸಿ ಕರೆ ನೀಡಲಾಗಿದ್ದ ಭಾರತ್​ ಬಂದ್​ ಪರವಾಗಿ ದೇಶದ ಹಲವು ಭಾಗಗಳಲ್ಲಿನ ರೈತರು ಸರ್ಕಾರದ ವಿರುದ್ಧ ಘೋಷಣೆಗಳನ್ನ ಕೂಗಿದ್ದಾರೆ.

ರಸ್ತೆ ತಡೆ, ರೈಲು ಮಾರ್ಗ ತಡೆ ಸೇರಿದಂತೆ ಸಾಕಷ್ಟು ರೀತಿಯಲ್ಲಿ ಆಕ್ರೋಶ ಹೊರಹಾಕುತ್ತಿದ್ದಾರೆ.

ಪಂಜಾಬ್​ನಲ್ಲಿ ರೈತರ ಆಕ್ರೋಶ ಭುಗಿಲೆದ್ದಿದ್ದು ಜನಜೀವನ ಅಸ್ತವ್ಯಸ್ಥಗೊಂಡಿತ್ತು. 30ಕ್ಕೂ ಹೆಚ್ಚು ಸಂಸ್ಥೆಗಳು ಪಂಜಾಬ್​ ಬಂದ್​ಗೆ ಕರೆ ನೀಡಿದ್ದವು.

ಪಟಿಯಾಲ, ಲುದಿಯಾನ, ಬಟಿಂಡಾ, ಮೊಗಾ. ಹೋಶಿಯಾರ್​ ಪುರ ಜಲಂದರ್​ ಹಾಗೂ ಇತರ ನಗರಗಳಲ್ಲಿ ಬಂದ್​ಗೆ ವ್ಯಾಪಕ ಬೆಂಬಲ ವ್ಯಕ್ತವಾಗಿದೆ.

ಇದೆಲ್ಲದರ ನಡುವೆ ರೈತ ಪರ ಪ್ರತಿಭಟನೆಯ ನಿರ್ದಿಷ್ಟ ವಿಡಿಯೋವೊಂದು ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗ್ತಿದೆ. ಪೊಲೀಸರು ರೈತರ ಮೇಲೆ ಜಲಫಿರಂಗಿ ಪ್ರಯೋಗ ಮಾಡಿದ್ದರು. ಆದರೆ ಈ ವೇಳೆ ಸಿನಿಮೀಯ ರೀತಿಯಲ್ಲಿ ಪೊಲೀಸ್​ ವಾಹನದ ಮೇಲೆ ಹತ್ತಿದ ಪ್ರತಿಭಟನಾಕಾರನೊಬ್ಬ ವಾಟರ್​ ಕ್ಯಾನ್​ನ್ನ ಬಂದ್​ ಮಾಡಿದ್ದಾರೆ. ಪೊಲೀಸರು ಅವರನ್ನ ಬೆನ್ನಟ್ಟುತ್ತಿದ್ದಂತೆ ಆತ ಸಿನಿಮೀಯ ಮಾದರಿಯಲ್ಲಿ ಎಸ್ಕೇಪ್​ ಆಗಿದ್ದಾರೆ.