ಕೆಲ ತಿಂಗಳ ಹಿಂದಷ್ಟೇ 100 ನೇ ವರ್ಷದ ಜನ್ಮ ದಿನಾಚರಣೆ ಆಚರಿಸಿಕೊಂಡ ಚೀನಾದ ಜಿಂಜಿಂಗ್ ಮೂಲದ ಝಾಂಗ್ ಕೆಮಿನ್ ತಮ್ಮ ಧೂಮಪಾನ , ಮದ್ಯಪಾನ ಹಾಗೂ ತಿನ್ನೋದೇ ತಮ್ಮ ದೀರ್ಘಾಯುಷ್ಯದ ಗುಟ್ಟು ಎಂದಿದ್ದಾರೆ.
ಜೂನ್ 27 ನೇ ತಾರೀಖಿನಂದು ಕೆಮಿನ್ ತಮ್ಮ 100ನೇ ವರ್ಷದ ಜನ್ಮ ದಿನಾಚರಣೆ ಆಚರಿಸಿಕೊಂಡ್ರು. ಈ ವೇಳೆ ಖಾಸಗಿ ಮಾಧ್ಯಮದ ಜೊತೆ ತಮ್ಮ ದೀರ್ಘಾಯುಷ್ಯದ ಹಿಂದಿರುವ ಸೀಕ್ರೆಟ್ನ್ನ ರಿವೀಲ್ ಮಾಡಿದ್ದಾರೆ.
ಐದು ತಲೆಮಾರುಗಳನ್ನ ನೋಡಿರುವ ಕೆಮಿನ್ ಮದ್ಯಪಾನ ಹಾಗೂ ಧೂಮಪಾನ ಎರಡನ್ನೂ ಮಾಡುತ್ತಿದ್ದರಂತೆ. ಆದರೆ ತಮ್ಮ ಮೂವತ್ತನೇ ವಯಸ್ಸಿಗೆ ಮದ್ಯಪಾನವನ್ನ ಕೆಮಿನ್ ತ್ಯಜಿಸಿದ್ದಾರೆ. ಪ್ರತಿದಿನ ಒಂದು ಪ್ಯಾಕೆಟ್ ಸಿಗರೆಟ್ ಖಾಲಿ ಮಾಡುವ ಕೆಮಿನ್ ಇದೇ ತಮ್ಮ ದೀರ್ಘಾಯುಷ್ಯದ ಗುಟ್ಟು ಎಂದಿದ್ದಾರೆ.
ತಮ್ಮ 20ನೇ ವಯಸ್ಸಿನಿಂದಲೇ ಧೂಮಪಾನ, ಮದ್ಯಪಾನ ಮಾಡಲು ಆರಂಭಿಸಿರುವ ಕೆಮಿನ್, ದೀರ್ಘಾಯುಷಿಯಾಗಿದ್ದಾರೆ.
ಹೀಗಾಗಿ ಇವೆರಡು ದುಶ್ಚಟ ಎಂದು ಎನಿಸಿಯೇ ಇಲ್ಲ ಎಂದು ಹೇಳಿದ್ರು. ಆದರೆ ಧೂಮಪಾನ ಹಾಗೂ ಮದ್ಯಪಾನ ಎರಡೂ ಜೀವಕ್ಕೆ ಹಾನಿಕರ ಎಂಬ ವಿಚಾರವನ್ನ ನಾವು ಮರೆಯುವಂತಿಲ್ಲ.
Loading ...