ಹಿಮಾಚಲ ಪ್ರದೇಶದಲ್ಲಿ ಶಾಲಾ – ಕಾಲೇಜುಗಳು ಬಂದ್​…!

ಕೊರೊನಾ ವೈರಸ್​ ಸೋಂಕಿನ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆ ಹಿಮಾಚಲ ಪ್ರದೇಶ ಸರ್ಕಾರ ಶಾಲೆ, ಕಾಲೇಜು ಸೇರಿದಂತೆ ಎಲ್ಲಾ ಶಿಕ್ಷಣ ವಿದ್ಯಾಲಯಗಳನ್ನ ಡಿಸೆಂಬರ್​ 31ರವರೆಗೆ ಬಂದ್​ ಮಾಡಲು ನಿರ್ಧರಿಸಿದೆ.

ಹಾಗೂ ಚಳಿಗಾಲದಲ್ಲಿ ಬಂದ್​ ಆಗಿರುವ ವಿದ್ಯಾಲಯಗಳು ಜನವರಿ 1 ರಿಂದ ಫೆಬ್ರವರಿ 12ರವರೆಗೆ ಬಂದ್​ ಇರಲಿದೆ.

ನವೆಂಬರ್​​ 26ರಿಂದ ಆನ್​ಲೈನ್​ ತರಗತಿಗಳು ಆರಂಭವಾಗಲಿವೆ. ರಾಜ್ಯ ಸರ್ಕಾರ ವ್ಯಾಪ್ತಿಯ ಎಲ್ಲ ಶಿಕ್ಷಕರಿಗೆ ಮನೆಯಲ್ಲೇ ಇದ್ದು ಕೆಲಸ ಮಾಡುವಂತೆ ಸೂಚನೆ ನೀಡಲಾಗಿದೆ.

ಇದು ಮಾತ್ರವಲ್ಲದೇ ಕೊರೊನಾ ವೈರಸ್​ ನಿಯಂತ್ರಣಕ್ಕಾಗಿ ಹಿಮಾಚಲ ಪ್ರದೇಶ ಸರ್ಕಾರ ಮಂಡಿ, ಶಿಮ್ಲಾ, ಕುಲ್ಲು ಹಾಗೂ ಕಾಂಗ್ರಾದಲ್ಲಿ ನವೆಂಬರ್​ 24ರಿಂದ ಡಿಸೆಂಬರ್ 15ರವರಗೆ ನೈಟ್​ ಕರ್ಫ್ಯೂ ವಿಧಿಸಲಾಗಿದೆ.