ಸೋಷಿಯಲ್ ಮೀಡಿಯಾದಲ್ಲಿ ಮತ್ತೊಂದು ನೋವಿನ ಕಥೆ ವೈರಲ್

ದೆಹಲಿಯ ಬಾಬಾ ಕಾ ಡಾಬಾ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆದ ಬಳಿಕ ಇಂತಹ ಅದೆಷ್ಟೋ ನೋವಿನ ಕತೆಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿಯಾಗಿವೆ.

ಆಗ್ರಾದ ರೋಟಿವಾಲಿ ಅಮ್ಮ, ಬೆಂಗಳೂರಿನ ರೇವಣ ಸಿದ್ದಪ್ಪ , ಕೇರಳದ ಪಾರ್ವತಿ ಅಮ್ಮ ಹೀಗೆ ವೃದ್ದಾಪ್ಯದಲ್ಲೂ ಕೆಲಸ ಮಾಡುವ ಅನಿವಾರ್ಯತೆ ಇದ್ದರೂ ಸಹ ವ್ಯಾಪಾರವಿಲ್ಲದೇ ಕಂಗೆಟ್ಟಿದ್ದವರಿಗೆ ಸಾಮಾಜಿಕ ಜಾಲತಾಣವಾಗಿ ದಾರಿ ದೀಪವಾಗಿತ್ತು. ಇದೀಗ ಈ ಸಾಲಿಗೆ ಇನ್ನೊಂದು ನೋವಿನ ಕತೆ ಬಂದು ಸೇರಿದೆ.

ಕೊಲ್ಕತ್ತಾದ ಗರಿಯಾಹಾತ್​ ರಸ್ತೆಯಲ್ಲಿ 80 ವರ್ಷದ ವೃದ್ಧ ಸುನಿಲ್​ ಪಾಲ್​ ಎಂಬವರು ತಮ್ಮ ಪೇಟಿಂಗ್ಸ್​ ಮಾರುವ ಮೂಲಕ ಜೀವನ ನಡೆಸಬೇಕಾದ ಅನಿವಾರ್ಯತೆಯಲ್ಲಿ ಇದ್ದಾರೆ. ಮಕ್ಕಳು ಮನೆಯಿಂದ ಹೊರಹಾಕಿದ ಕಾರಣಕ್ಕೆ ಸುನೀಲ್​ ತಮ್ಮ 80ನೇ ವಯಸ್ಸಿನಲ್ಲೂ ದುಡಿಯುತ್ತಿದ್ದಾರೆ.  ಫೋಟೋ ಹಿಡಿದುಕೊಂಡು ನಿಂತಿರುವ ಸುನೀಲ್​ರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಅತ್ಯುತ್ತಮ ಚಿತ್ರಗಳನ್ನ ರಚಿಸಿರುವ ಸುನೀಲ್​ ಪಾಲ್​ ತಮ್ಮ ಪೇಂಟಿಂಗ್ಸ್​​ಗಳನ್ನ ಕೇವಲ 50 ರಿಂದ 100 ರೂಪಾಯಿಗೆ ಮಾರಾಟ ಮಾಡ್ತಿದ್ದಾರೆ. ಈಗಾಗಲೇ ನೆಟ್ಟಿಗರು ಸುನಿಲ್​ರ ಬಳಿ ತೆರಳಿ ಅವರ ಪೇಂಟಿಂಗ್ಸ್ ಖರೀದಿ ಮಾಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.