ಮಳೆಯಲ್ಲಿ ನಿಂತು ಕರ್ತವ್ಯ ನಿರ್ವಹಿಸಿದ ಪೊಲೀಸ್ ಕಾನ್ಸ್ ಟೇಬಲ್ ಗೆ ನೆಟ್ಟಿಗರು ಸಲಾಂ

ಚೆನ್ನೈ: ಬಿಸಿಲು, ಮಳೆ, ಛಳಿ ಎಂಥದ್ದೇ ವಾತಾವರಣವಿರಲಿ ಎದೆಗುಂದದೇ ನಿಂತು ಕರ್ತವ್ಯ ನಿರ್ವಹಿಸುವವರು ಪೊಲೀಸರು. ಸುರಿಯುವ ಭಾರಿ ಮಳೆಯಲ್ಲಿ ತಮಿಳುನಾಡು ಪೊಲೀಸ್ ಕಾನ್ಸ್ ಟೇಬಲ್ ಒಬ್ಬ ನಿಂತು ಸಂಚಾರ ನಿಯಂತ್ರಣ ಮಾಡುವ ವಿಡಿಯೋವೊಂದು ನೆಟ್ಟಿಗರ ಗಮನ ಸೆಳೆದಿದೆ.

ತಮಿಳುನಾಡು ತುತಕುಡಿ ಜಿಲ್ಲೆಯಲ್ಲಿ ಮುತುರ್ಜಾ ಎಂಬ ಸಿಬ್ಬಂದಿ ವಿಡಿಯೋ ಇದಾಗಿದ್ದು, ಐಪಿಎಸ್ ಅಧಿಕಾರಿ ದೀಪಾಂಶು ಕಬರ್ ಟ್ವೀಟ್ ಮಾಡಿದ್ದಾರೆ. ಟ್ವೀಟನ್ನು 11 ಸಾವಿರ ಜನ ವೀಕ್ಷಿಸಿದ್ದಾರೆ. ಪೊಲೀಸ್ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

“ಮಳೆ, ಬಿಸಿಲು ಯಾವುದೇ ಪರಿಸ್ಥಿತಿ ಇರಲಿ ಪೊಲೀಸರು ಕರ್ತವ್ಯ ನಿಭಾಯಿಸುತ್ತಾರೆ. ಸೋಮವಾರ ತುತಕುಡಿಯಲ್ಲಿ ಭಾರಿ ಮಳೆ ಆದರೂ ಕಾನ್ಸ್ ಟೇಬಲ್ ಮುತುರ್ಜಾ ಮಳೆಯಲ್ಲೇ ತಮ್ಮ ಕರ್ತವ್ಯ ನಿಭಾಯಿಸಿದರು” ಎಂದು ದೀಪಾಂಶು ಅವರು ಹಿಂದಿಯಲ್ಲಿ ಕ್ಯಾಪ್ಶನ್ ಬರೆದಿದ್ದಾರೆ.‌ ವಿಡಿಯೋ ವೈರಲ್ ಆಗುತ್ತಿದ್ದಂತೆ ತುತಕುಡಿ ಎಸ್.ಪಿ. ಜಯಕುಮಾರ್ ಅವರು ಮುತುರ್ಜಾ ಅವರನ್ನು ಕರೆಸಿ ಅಭಿನಂದನೆ ಸಲ್ಲಿಸಿದ್ದಾರೆ.