ಪತಿಯ ನಾಲ್ಕನೇ ಮದುವೆಗೆ ಮೂವರು ಪತ್ನಿಯರಿಂದಲೇ ಸಹಾಯ…!

ನೂರು ಸುಳ್ಳು ಹೇಳಿ ಒಂದು ಮದುವೆ ಮಾಡು ಅಂತಾರೆ. ಆದರೆ ಪಾಕಿಸ್ತಾನದ 20 ವರ್ಷದ ವ್ಯಕ್ತಿಯೊಬ್ಬ ಒಂದಲ್ಲ ಎರಡಲ್ಲ ಬದಲಾಗಿ ಮೂರು ಮದುವೆಯಾಗಿದ್ದು ಮಾತ್ರವಲ್ಲದೇ ನಾಲ್ಕನೇ ಮದುವೆಗೂ ತಯಾರಿ ನಡೆಸಿದ್ದಾನೆ. ವಿಶೇಷ ಏನಂದ್ರೆ ಈ ನಾಲ್ಕನೇ ಮದುವೆಗೆ ಆತನ ಮೂವರು ಪತ್ನಿಯರು ಸಾಥ್​ ನೀಡ್ತಿದ್ದಾರೆ.

ಅದ್ನಾನ್​ 16 ವರ್ಷ ವಯಸ್ಸಿನವನಾಗಿದ್ದಾಗ ಮೊದಲ ಮದುವೆ ನಡೆಯಿತು. ಇದಾಗಿ ನಾಲ್ಕು ವರ್ಷಗಳ ನಂತರ ಈತನಿಗೆ ಎರಡನೇ ಮದುವೆ ನಡೆದಿದೆ. ಹಾಗೂ ಕಳೆದ ವರ್ಷ ಮೂರನೇ ಮದುವೆಯಾಗಿದ್ದಾನೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಅದ್ನಾನ್​,  ನಾನು ತಿಂಗಳಿಗೆ 1 ರಿಂದ 1.5 ಲಕ್ಷ ರೂಪಾಯಿ ದುಡಿಯುತ್ತೇನೆ. ಒಂದೊಂದು ಮದುವೆಯಾಗುತ್ತಿದ್ದಂತೆ ನನ್ನ ಆದಾಯ ಹೆಚ್ಚಾಗುತ್ತಲೇ ಹೋಗಿದೆ. ಹೀಗಾಗಿ ನಾನು ಇನ್ನೊಂದು ಮದುವೆಗೆ ಪ್ಲಾನ್​ ಮಾಡಿದ್ದೇನೆ. ನನ್ನ ಮೂವರು ಪತ್ನಿಯರ ಹೆಸರು ಶುಂಭಲ್, ಶಬಾನಾ ಹಾಗೂ ಶಹಿದಾ. ನಾಲ್ಕನೇ ಪತ್ನಿಯಾಗಿ ಬರುವವಳ ಹೆಸರೂ ಎಸ್​ ಅಕ್ಷರದಿಂದ ಪ್ರಾರಂಭವಾಗಲಿ ಎಂಬ ಆಸೆ ಇದೆ ಅಂತಾ ಹೇಳಿದ್ದಾನೆ.