ಯೋಧರ ಮಾನವೀಯ ಕಾರ್ಯಕ್ಕೆ ನೆಟ್ಟಿಗರು ಫಿದಾ

ಬಿಹಾರದಲ್ಲಿ ನಡೆದ ಮೂರನೇ ಹಾಗೂ ಅಂತಿಮ ಹಂತದ ಮತದಾನದ ವೇಳೆ ಕರ್ತವ್ಯದಲ್ಲಿದ್ದ ಯೋಧರು ವೃದ್ಧ ಮತದಾರರನ್ನ ಮತಗಟ್ಟೆಗೆ ಎತ್ತಿಕೊಂಡು ಬರುವ ಮೂಲಕ ಮಾನವೀಯತೆ ತೋರಿದ್ದಾರೆ. ಇಂಡೋ ಟಿಬೆಟಿಯನ್​ ಗಡಿಯಲ್ಲಿ ಈ ಘಟನೆ ನಡೆದಿದೆ.

ಕೊರೊನಾ ವೈರಸ್​ಗೂ ಹೆದರದ ಬಿಹಾರದ ಜನತೆ ಮತಗಟ್ಟೆಗೆ ಆಗಮಿಸಿ ತಮ್ಮ ಹಕ್ಕನ್ನ ಚಲಾಯಿಸಿದ್ರು. ಕತಿಹಾರ್​ ಎಂಬಲ್ಲಿ ವೃದ್ಧ ಹಾಗೂ ಅನಾರೋಗ್ಯದಿಂದ ಬಳಲುತ್ತಿದ್ದ ವೃದ್ಧೆಯನ್ನ ಯೋಧರೇ ಮತಗಟ್ಟೆಗೆ ಎತ್ತಿಕೊಂಡು ಬಂದು ಮತಚಲಾವಣೆಗೆ ಸಹಾಯ ಮಾಡಿದ್ದಾರೆ.

ಮುಜಾಫುರ ನಗರದ ಸಿರಿನಿಯಾ ಗ್ರಾಮದ ಜನರು ಮತದಾರರಿಗೆ ನೆರವಾಗಲೆಂದು ತಾತ್ಕಾಲಿಕ ಬ್ರಿಡ್ಜ್​​ ನಿರ್ಮಾಣ ಮಾಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.

ಬಿಹಾರದ ಮೊದಲ ಹಂತದ ಚುನಾವಣೆಯಲ್ಲಿ 55.69 ಪ್ರತಿಶತದಷ್ಟು ಮತದಾನವಾಗಿದ್ರೆ ಎರಡನೇ ಹಂತದಲ್ಲಿ 53.51 ಶೇ. ವೋಟಿಂಗ್​ ನಡೆದಿದೆ. ನವೆಂಬರ್​ 10ರಂದು ಅಭ್ಯರ್ಥಿಗಳ ಭವಿಷ್ಯ ಬಯಲಾಗಲಿದೆ.