ಕಾರು ಖರೀದಿದಾರರಿಗೆ ಹೋಂಡಾದಿಂದ ಬಂಪರ್ ಆಫರ್

ಭಾರತೀಯರ ಪ್ರಮುಖ ಹಬ್ಬಗಳಲ್ಲೊಂದಾದ ದೀಪಾವಳಿಗೆ ಇನ್ನೇನು ದಿನಗಣನೆ ಶುರುವಾಗಿದೆ. ಹಬ್ಬದ ಸಂಭ್ರಮದಲ್ಲಿರುವ ಗ್ರಾಹಕರನ್ನ ಆಕರ್ಷಿಸಲು ಹೋಂಡಾ ಕಾರ್ಸ್ ಇಂಡಿಯಾ ಸಂಸ್ಥೆ ದ ಗ್ರೇಟ್​ ಹೋಂಡಾ ಫೆಸ್ಟ್​ನಡಿಯಲ್ಲಿ ತನ್ನ ಆಯ್ದ ಕಾರುಗಳ ಮೇಲೆ ವಿಶೇಷ ರಿಯಾಯಿತಿಯನ್ನ ನೀಡಿದೆ.‌

ಅಮೇಜ್​, ನ್ಯೂ ಜನ್​ ಸಿಟಿ, ಡಬ್ಲೂ ಆರ್​ ವಿ. ಜಾಝ್​​ ಸರಣಿಯ ವಿವಿಧ ಕಾರುಗಳ ಮೇಲೆ ನವೆಂಬರ್​ 30ರವರೆಗೆ ಆಫರ್​ಗಳನ್ನ ನೀಡಲಾಗಿದೆ. ಬಿಎಸ್​ 6 ಹೋಂಡಾ ಅಮೇಜ್​ನಲ್ಲಿ 47000 ರೂಪಾಯಿವರೆಗೆ ಲಾಭಗಳನ್ನ ಪಡೆಯಬಹುದಾಗಿದೆ. ಪೆಟ್ರೋಲ್​ ಕಾರುಗಳ ಮೇಲೆ 20 ಸಾವಿರ ರೂಪಾಯಿವರೆಗೆ ನಗದು ರಿಯಾಯಿತಿ ಸಿಗಲಿದೆ. ಡಿಸೇಲ್​ ಕಾರುಗಳಿಗೆ 10 ಸಾವಿರ ರೂಪಾಯಿವರೆಗೆ ರಿಯಾಯಿತಿ ಸಿಗಲಿದೆ.

ಇತ್ತೀಚೆಗಷ್ಟೆ ಬಿಡುಗಡೆಯಾದ ಅಮೇಜ್​ ಸ್ಪೆಷಲ್​ ಎಡಿಷನ್​​ ಮಾದರಿಗಳಿಗೂ ಹೋಂಡಾ ಆಫರ್​​ ನೀಡಿದೆ. ಪೆಟ್ರೋಲ್​, ಡೀಸೆಲ್​ ಆವೃತ್ತಿಗೆ 15 ಸಾವಿರ ರೂಪಾಯಿ ರಿಯಾಯಿತಿ ಜೊತೆಗೆ ಕಾರು ವಿನಿಮಯಕ್ಕೆ 7000 ವರೆಗೆ ನಗದು ರಿಯಾಯಿತಿ ಸಿಗಲಿದೆ. ಹೋಂಡಾ ತನ್ನ ಅಧಿಕೃತ ವೆಬ್​ಸೈಟ್​ನಲ್ಲಿ ಫೆಸ್ಟಿವಲ್​ ಆಫರ್​ಗಳ ಬಗ್ಗೆ ಸಂಪೂರ್ಣ ಮಾಹಿತಿ ನೀಡಿದೆ.