ಕೈಗಾರಿಕಾ ಡ್ರೈಯರ್​ ಒಳಗೆ ಸಿಲುಕಿದ್ದ ಯುವಕರ ರಕ್ಷಣೆ

ಯುಕೆಯ ಕೈಗಾರಿಕಾ ಪ್ರದೇಶದಲ್ಲಿದ್ದ ಭಾರೀ ಗಾತ್ರದ ಡ್ರೈಯರ್​ ಒಳಗೆ ಸಿಲುಕಿಕೊಂಡಿದ್ದ ಮೂವರನ್ನ ರಕ್ಷಿಸುವಲ್ಲಿ ಅಗ್ನಿಶಾಮಕದಳದ ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ.

ಮೂವರು ಯುವಕರು ಬೆಳ್ಳಂ ಬೆಳಗ್ಗೆಯೇ ದೊಡ್ಡ ಲಾಂಡ್ರಿ ಕೈಗಾರಿಕಾ ಕಟ್ಟಡಕ್ಕೆ ಎಂಟ್ರಿ ಕೊಟ್ಟಿದ್ದು ಭಾರೀ ಗಾತ್ರದ ಡ್ರೈಯರ್​ ಒಳಗೆ ಸಿಲುಕಿದ್ದಾರೆ.

ಇದರಲ್ಲಿ ಇಬ್ಬರು ಸ್ಥಳದಿಂದ ಹೊರಬರುವಲ್ಲಿ ಯಶಸ್ವಿಯಾದ್ರೆ ಒಬ್ಬ ಮಾತ್ರ ಡ್ರೈಯರ್​ ಒಳಗೆ ಸಿಲುಕಿಕೊಂಡಿದ್ದ ಎನ್ನಲಾಗಿದೆ. ಕೂಡಲೇ ಸ್ಥಳಕ್ಕಾಗಮಿಸಿದ ಎಸೆಕ್ಸ್ ಕೌಂಟಿ ಅಗ್ನಿಶಾಮಕ ದಳ ತಂಡ ಯುವಕರನ್ನ ಕಾಪಾಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಮೂವರಲ್ಲಿ ಓರ್ವನ ಕಾಲು ಟಂಬ್ಲರ್​ ಒಳಗೆ ಸಿಲುಕಿಹಾಕಿಕೊಂಡಿದ್ದು ಆತನನ್ನ ರಕ್ಷಣೆ ಮಾಡಲಾಗಿದೆ ಅಂತಾ ಅಗ್ನಿಶಾಮಕ ದಳ ಇಲಾಖೆ ಮಾಹಿತಿ ನೀಡಿದೆ. ರಕ್ಷಣಾ ಕಾರ್ಯಾಚರಣೆ ಮುಗಿದ ಬಳಿಕ ಮೂವರಿಗೂ ಪ್ರಾಥಮಿಕ ಚಿಕಿತ್ಸೆ ನೀಡಿ ಬಳಿಕ ವೈದ್ಯಕೀಯ ಕೇಂದ್ರಕ್ಕೆ ದಾಖಲು ಮಾಡಲಾಗಿದೆ.