ದಾಖಲೆಯ ಬೆಲೆಗೆ ಮಾರಾಟವಾಯ್ತು ಸ್ಪೆಷಲ್​ ಟೀ ಪುಡಿ…!

ಕರೊನಾ ವೈರಸ್​ ದಾಳಿಯ ಬಳಿಕ ಇದೇ ಮೊದಲ ಬಾರಿಗೆ ಗುವಾಹಟಿ ಚಹ ಕೇಂದ್ರ ವಿಶೇಷ ಚಹಾವನ್ನ ಪ್ರತಿ ಕೆಜಿಗೆ ದಾಖಲೆಯ 75 ಸಾವಿರ ರೂಪಾಯಿಗೆ ಖರೀದಿ ಮಾಡಿದೆ. ಇದು ಈ ವರ್ಷದ ಅತ್ಯಂತ ಹೆಚ್ಚಿನ ದರವಾಗಿದೆ ಅಂತಾ ಹೇಳಲಾಗಿದೆ.

ಒಂದು ವರ್ಷದ ನಂತರ ಜಿಟಿಎಸಿಗೆ ಮನೋಹರಿ ಗೋಲ್ಡ್ ಸ್ಪೆಷಾಲಿಟಿ ಚಹಾವನ್ನ ಪ್ರತಿ ಕೆಜಿಗೆ 75000ಕ್ಕೆ ಮಾರಾಟ ಮಾಡಲು ಮತ್ತೊಂದು ಅವಕಾಶ ಸಿಕ್ಕಿತು ಅಂತಾ ಗುವಾಹಟಿ ಟೀ ಹರಾಜು ಖರೀದಿದಾರರ ಸಂಘದ ಕಾರ್ಯದರ್ಶಿ ದಿನೇಶ್​ ಬಿಹಾನಿ ಮಾಹಿತಿ ನೀಡಿದ್ರು.

ಈ ಚಹಾವನ್ನ ಕಾಂಟೆಂಪರರಿ ಬ್ರೋಕರ್ಸ್​ ಪ್ರೈವೇಟ್​ ಲಿಮಿಟೆಡ್​ ಮಾರಾಟ ಮಾಡಿದೆ. ಹಾಗೂ ಗುವಾಹಟಿ ಮೂಲದ ವಿಷ್ಣು ಟೀ ಕಂಪನಿ ಖರೀದಿ ಮಾಡಿದೆ. ಇದನ್ನ ಡಿಜಿಟಲ್​ ಇ – ಕಾಮರ್ಸ್​ ವೆಬ್​ಸೈಟ್​ 9amtea.com ನಲ್ಲಿ ವಿಶ್ವದಾದ್ಯಂತ ಮಾರಾಟ ಮಾಡಲಿದೆ ಎಂದು ಬಿಹಾನಿ ಹೇಳಿದರು.