ಇಎಂಐ ಕ್ಯಾಶ್ ​ಬ್ಯಾಕ್​ ಯೋಜನೆ: ಈ ವರ್ಗದ ಸಾಲಗಾರರಿಗೆ ಲಾಭ

ಲಾಕ್​ಡೌನ್​ ಸಂದರ್ಭದಲ್ಲಿ ಆರ್ಬಿಐ ಮೊರಟೋರಿಯಂ ಸ್ಕೀಮ್​ನ ಲಾಭ ಪಡೆಯದ ಸಾಲಗಾರರ ಕ್ಯಾಶ್​ಬ್ಯಾಕ್​ ವಿಚಾರವಾಗಿ ಕೇಂದ್ರ ಹಣಕಾಸು ಸಚಿವಾಲಯ ಸುಪ್ರೀಂ ಕೋರ್ಟ್​ಗೆ ಅಫಿಡ​​ವಿಟ್​ ಸಲ್ಲಿಸಿದೆ. ಈ ಅಫಿಡವಿಟ್​ನಲ್ಲಿ ಬೃಹತ್​ ಸಾಲಗಾರರಿಗೆ ಭರ್ಜರಿ ಬಂಪರ್​ ದೊರೆತಿದೆ.

ಲಾಕ್​ಡೌನ್​ ಸಂದರ್ಭದಲ್ಲಿ ಆರ್​ಬಿಐ ಇಎಂಐ ವಿನಾಯಿತಿ ನೀಡಿತ್ತು. ಇದೀಗ ಸಾಲ ನೀಡಿದ ಎಲ್ಲ ಬ್ಯಾಂಕ್​ಗಳು ಮಾರ್ಚ್ 1, 2020ರಿಂದ ಆಗಸ್ಟ್ 31, 2020ರ ನಡುವಿನ ಅವಧಿಯಲ್ಲಿ ಅರ್ಹ ಸಾಲಗಾರರ ಖಾತೆಯಲ್ಲಿರುವ ಸಂಯುಕ್ತ ಬಡ್ಡಿ ಹಾಗೂ ಸರಳ ಬಡ್ಡಿ ನಡುವಿನ ವ್ಯತ್ಯಾಸದ ಮೊತ್ತವನ್ನ ಕ್ರೆಡಿಟ್​ ಮಾಡಲಾಗುವುದು ಅಂತಾ ಅಫಿಡವಿಟ್​ನಲ್ಲಿ ತಿಳಿಸಲಾಗಿದೆ.

ಅಂತಹ ಅರ್ಹ ಸಾಲಗಾರರು ಸಂಪೂರ್ಣವಾಗಿ ಪ್ರಯೋಜನ ಪಡೆಯದಿದ್ದರೂ ಅಥವಾ ಭಾಗಶಃ ಪ್ರಯೋಜನ ಪಡೆಯದಿದ್ದರೂ ಸಹ ಸಾಲ ನೀಡುವ ಸಂಸ್ಥೆಗಳಿಂದ ಈ ಮೊತ್ತವನ್ನು ನೀಡಲಾಗುವುದು ಎಂದು ಅಫಿಡವಿಟ್‌ನಲ್ಲಿ ತಿಳಿಸಲಾಗಿದೆ.