ಶತಮಾನದ ಇತಿಹಾಸದಲ್ಲಿ ಮೊದಲ ಬಾರಿಗೆ ಟೈಟಲ್ ಹೆಡ್ ಬದಲಿಸಿದ TIME ನಿಯತಕಾಲಿಕೆ

ಜಾಗತಿಕ ಮಟ್ಟದಲ್ಲಿ ಪ್ರತಿಷ್ಠಿತವಾಗಿರುವ ’ಟೈಮ್’ ನಿಯಕಾಲಿಕೆ ತನ್ನ ಶತಮಾನದ ಇತಿಹಾದಲ್ಲಿ ಇದೇ ಮೊದಲ ಬಾರಿಗೆ ಲೋಗೋ ಬದಲಾವಣೆ ಮಾಡಿದೆ.

ನವೆಂಬರ್‌ 2ಎ ದಿನಾಂಕಕ್ಕೆ ಡಬಲ್ ಇಶ್ಯೂ ಬಿಡುಗಡೆ ಮಾಡಿರುವ TIME ನಿಯತಕಾಲಿಕೆ, ಈ ವಾರದ ತನ್ನ ಅವತರಣಿಕೆಗೆ ”VOTE” ಎಂದು ಟೈಟಲ್‌ ಹೆಡಿಂಗ್ ಕೊಟ್ಟಿದೆ.

ಅಮೆರಿಕದಲ್ಲಿ ಅಧ್ಯಕ್ಷೀಯ ಚುನಾವಣೆ ನಡೆಯುತ್ತಿದ್ದು, ತನ್ನ ಓದುಗರಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನದಲ್ಲಿ ಭಾಗಿಯಾಗಲು ಪ್ರೋತ್ಸಾಹ ಕೊಡಲು ಟೈಮ್ ಹೀಗೆ ಮಾಡಿದೆ.

ಕೋವಿಡ್-19 ಸಾಂಕ್ರಮಿಕದ ನಡುವೆ ಸಕಲ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಂಡು, ಮತಗಟ್ಟೆಗಳಿಗೆ ಹೋಗಿ ವೋಟ್ ಮಾಡಲು ಓದುಗರಿಗೆ ಪ್ರೇರಣೆ ಕೊಡಲೆಂದು ಮಾಸ್ಕ್ ‌ಧಾರಿ ಮಹಿಳೆಯ ಚಿತ್ರವೊಂದು ಈ ವಾರದ ಟೈಂ ಮ್ಯಾಗಝಿನ್ ಮುಖಪುಟದಲ್ಲಿ ಹಾಕಲಾಗಿದೆ.