ಟ್ರೋಲಿಗರಿಗೆ ಆಹಾರವಾಯ್ತು ಕೆಕೆಆರ್​ ಕೋಚ್​​ ನೋಟ್ಸ್..!

ಬುಧವಾರ ನಡೆದ ಆರ್​ಸಿಬಿ ಹಾಗೂ ಕೊಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧದ ಮ್ಯಾಚ್​ನಲ್ಲಿ ಆರ್​ಸಿಬಿ ಗೆಲುವಿನ ನಗೆ ಬೀರಿದೆ.

ಟಾಸ್​ ಗೆದ್ದು ಬ್ಯಾಟ್​ ಆರಂಭಿಸಿದ ಕೆಕೆಆರ್​ ತಂಡಕ್ಕೆ ಬೌಲರ್​ ಮೊಹಮ್ಮದ್​ ಸಿರಾಜ್​​ ಸಿಂಹಸ್ವಪ್ನವಾದರು. 3 ರನ್​ಗೆ 3 ವಿಕೆಟ್​ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ ಕೆಕೆಆರ್​ 20 ಓವರ್ಗಳಲ್ಲಿ ಕೇವಲ 84 ರನ್​ಗಳನ್ನ ಕಲೆ ಹಾಕಲಷ್ಟೇ ಯಶಸ್ವಿಯಾಯ್ತು.

ಕೊಲ್ಕತ್ತಾ ನೈಟ್​ ರೈಡರ್ಸ್​ ನೀಡಿದ್ದ ಅತ್ಯಂತ ಕಡಿಮೆ ರನ್​ಗಳ ಗುರಿ ಬೆನ್ನಟ್ಟಿದ ಆರ್​​ಸಿಬಿ ಗೆಲುವಿನ ರಣಕೇಕೆ ಹಾಕಿದೆ. ಈ ಮೂಲಕ ಕೊಲ್ಕತ್ತಾ ನೈಟ್​ ರೈಡರ್ಸ್​ ತಂಡ ಪ್ಲೇ ಆಫ್​ ಕನಸು ಬಹುತೇಕ ಭಗ್ನವಾಗಿದೆ.

ಆರ್​ಸಿಬಿ ಮಾರಕ ದಾಳಿಗೆ ತತ್ತರಿಸಿದ ಕೆಕೆಆರ್​ ಬೌಲರ್ಸ್​ ಪೆವಿಲಿಯನ್​​ ದಾರಿ ಹಿಡೀತಿದ್ರೆ ಕೆಕೆಆರ್​ ಕೋಚ್​​ ಬ್ರೆಂಡೋನ್​ ಮೆಕ್ಲಮ್​ ಮಾತ್ರ ನೋಟ್ಸ್ ಬರೆಯೋದ್ರಲ್ಲಿ ಬ್ಯುಸಿಯಾಗಿದ್ರು. ಪಂದ್ಯದಲ್ಲಿ ಆಟಗಾರರು ಮಾಡಿದ ತಪ್ಪುಗಳನ್ನ ಮೆಕ್ಲಮ್​​ ನೋಟ್​ ಮಾಡಿಕೊಳ್ತಾ ಇದ್ರೆ ಟ್ವೀಟಿಗರು ಮಾತ್ರ ಇದಕ್ಕೆ ಬೇರೆಯ ಅರ್ಥವನ್ನೇ ಕಲ್ಪಿಸಿದ್ದಾರೆ.

ಟ್ವಿಟರ್​ನಲ್ಲಿ ಶೇರ್​ ಆದ ಈ ಫೋಟೋದಲ್ಲಿ ಮೆಕ್ಲಮ್​ ರಂಗೋಲಿ ಬಿಡಿಸಿದಂತೆ, ಮೆಕ್ಲಮ್​ ಬರೆದ ನೋಟ್ಸ್​​ನ್ನ ಶಾರೂಕ್​ ಖಾನ್​ ಓದುತ್ತಾ ಇರೋ ರೀತಿಯಲ್ಲಿ ಮೀಮ್ಸ್ ಮಾಡಿ ಹರಿಬಿಡ್ತಿದ್ದಾರೆ.