ಉತ್ತರ ಪ್ರದೇಶ ನೋಯ್ಡಾ ಸೆಕ್ಟರ್ನಲ್ಲಿ ಶಿಕ್ಷಕರು 50 ಮಂದಿ ವಿದ್ಯಾರ್ಥಿಗಳಿಗೆ ಜೂಮ್ ಕ್ಲಾಸ್ನಲ್ಲಿ ಪಾಠ ಮಾಡ್ತಿದ್ದ ವೇಳೆ ಸೈಬರ್ ಕ್ರಿಮಿನಲ್ ತೊಂದರೆ ಕೊಟ್ಟಿದ್ದಾನೆ. ವಿದ್ಯಾರ್ಥಿಗಳನ್ನ ಕೆಟ್ಟ ಭಾಷೆಯಲ್ಲಿ ನಿಂದಿಸಿದ್ದು ಮಾತ್ರವಲ್ಲದೇ ಶಿಕ್ಷಕರಿಗೂ ಕಾಟ ಕೊಟ್ಟಿದ್ದಾನೆ. ಖಾಸಗಿ ಯೂಟ್ಯೂಬ್ ಚಾನೆಲ್ ಒಂದು ಈ ವಿಡಿಯೋವನ್ನ ಶೇರ್ ಮಾಡಿದ್ದು ಸಾವಿರಗಟ್ಟಲೇ ವೀವ್ಸ್ ಪಡೆದುಕೊಂಡಿದೆ.
11ನೇ ತರಗತಿಯ ವಿದ್ಯಾರ್ಥಿನಿಯರಿಗೆ ಸೈಕಾಲಜಿ ತರಗತಿ ನಡೆಸುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ. ಈ ಘಟನೆ ಬಳಿಕ ಶಿಕ್ಷಕರು ಆನ್ಲೈನ್ ತರಗತಿ ನಡೆಸೋಕೆ ಭಯಪಡುವಂತಾಗಿದೆ. ಈ ರೀತಿ ಆನ್ಲೈನ್ ಕ್ಲಾಸ್ ನಡೆಸುವ ವೇಳೆ ಈ ರೀತಿ ಸೈಬರ್ ಕ್ರೈಂ ಬೆದರಿಕೆ ಬಂದಿರೋದು ಇದೇ ಮೊದಲೇನಲ್ಲ. ಇಂತಹ ಹಲವಾರು ಘಟನೆಗಳು ಸಾಮಾಜಿಕ ಜಾಲತಾಣ ಹಾಗೂ ಮಾಧ್ಯಮಗಳಲ್ಲಿ ವರದಿಯಾಗಿದೆ.
ಮೇಲ್ನೋಟಕ್ಕೆ ಈ ರೀತಿ ಕೃತ್ಯ ನಡೆಸ್ತಾ ಇರೋದು ಖಾಸಗಿ ಯೂ ಟ್ಯೂಬ್ ಚಾನೆಲ್ ಮಾಲೀಕನಾ ಎಂಬ ಅನುಮಾನ ಶುರುವಾಗಿದೆ. ಈತ ಇನ್ನೂ ಅನೇಕ ಶಾಲೆಗಳಲ್ಲಿ ಆನ್ಲೈನ್ ಕ್ಲಾಸ್ ನಡೆಸುತ್ತಿದ್ದ ವೇಳೆ ಇದೇ ರೀತಿ ತೊಂದರೆ ಕೊಟ್ಟಿದ್ದಾನೆ ಎಂಬ ಗುಮಾನಿ ಶುರುವಾಗಿದೆ. ಅಲ್ಲದೇ ಈ ರೀತಿ ವಿಡಿಯೋಗಳನ್ನ ತನ್ನ ಚಾನೆಲ್ನಲ್ಲಿ ಹಾಕಿಕೊಂಡಿರೋ ಆ ವ್ಯಕ್ತಿ ವಿದ್ಯಾರ್ಥಿನಿಯರ ಮುಖವನ್ನೂ ಬ್ಲರ್ ಮಾಡಿಲ್ಲ. ಈ ವಿಡಿಯೋ ಸಾಕಷ್ಟು ಅಶ್ಲೀಲ ಕಮೆಂಟ್ಗಳು ಬಂದಿವೆ. ಜೂಮ್ ಐಡಿ ಪಾಸ್ವರ್ಡ್ಗಳನ್ನ ಪಡೆದು ಯೂ ಟ್ಯೂಬ್ನಲ್ಲಿ ವೀವ್ಸ್ ಹೆಚ್ಚಿಸಿಕೊಳ್ಳಲು ಈ ರೀತಿ ತಂತ್ರ ನಡೆಸಿರೋ ಶಂಕೆ ಇದೆ.
Loading ...