ಅಜ್ಜಿಯ ತಲೆಯನ್ನೇ ಕತ್ತರಿಸಿದ ಡ್ರಗ್​ ವ್ಯಸನಿ…!

25 ವರ್ಷದ ಡ್ರಗ್​ ವ್ಯಸನಿಯೊಬ್ಬ ತನ್ನ 80 ವರ್ಷದ ಅಜ್ಜಿಯನ್ನ ವಿಕೃತವಾಗಿ ಸಾಯಿಸಿದ ಘಟನೆ ಮುಂಬೈನಲ್ಲಿ ನಡೆದಿದೆ. ಡ್ರಗ್​ ವ್ಯಸನಿಯಾಗಿದ್ದ ಕ್ರಿಸ್ಟೋಫರ್​ ಡಯಾಸ್​ ಎಂಬಾತ ತನ್ನ ಅಜ್ಜಿಯ ತಲೆ ಕತ್ತರಿಸಿ ಸಾಯಿಸಿದ್ದಾನೆ.

ರೋಸಿ ಡಯಾಸ್​ ಎಂಬ ವೃದ್ಧೆಯ ತಲೆ ತುಂಡರಿಸಿದ ಡಯಾಸ್​​​ ಅದನ್ನ ಮನೆಯ ಡೈನಿಂಗ್​ ಟೇಬಲ್​​ ಮೇಲೆ ಇಟ್ಟಿದ್ದಾನೆ. ಆಗ ಆಕೆಯ ದೇಹದ ಇತರೆ ಭಾಗಗಳನ್ನ ಮನೆಯ ಸುತ್ತೆಲ್ಲ ಬಿಸಾಡಿದ್ದಾನೆ. ಈ ರೀತಿಯ ಕೃತ್ಯ ಎಸಗಿ ಗೋವಾದಲ್ಲಿದ್ದ ತನ್ನ ತಂದೆಗೆ ಕರೆ ಮಾಡಿ ತಪ್ಪೊಪ್ಪಿಕ್ಕೊಂಡಿದ್ದಾನೆ. ಕೂಡಲೇ ಫ್ಲೈಟ್​ ಮೂಲಕ ತಂದೆ ಮನೆಗೆ ಬಂದಿದ್ದಾರೆ. ರಕ್ತದ ಮಡುವಿನಲ್ಲಿ ಕುಳಿತಿದ್ದ ಮಗನನ್ನ ನೋಡಿದ ತಂದೆ ಬೆಚ್ಚಿಬಿದ್ದಿದ್ದಾರೆ.

ಸದ್ಯ ಆರೋಪಿಯನ್ನ ಅಕ್ಟೋಬರ್​ 17ರವರೆಗೆ ಪೊಲೀಸ್​ ಕಸ್ಟಡಿಯಲ್ಲಿ ಇಡಲಾಗಿದೆ ಅಂತಾ ಡೆಪ್ಯೂಟಿ ಕಮಿಷನರ್​ ಅಭಿಷೇಕ್​​ ತ್ರಿಮುಖೆ ತಿಳಿಸಿದ್ದಾರೆ.

ಡ್ರಗ್​ ವ್ಯಸನಿಯಾಗಿದ್ದ ಕ್ರಿಸ್ಟೋಫರ್​ ​ನನ್ನ ಕಳೆದ 18 ತಿಂಗಳಿನಿಂದ ಡ್ರಗ್​ ವ್ಯಸನ ಮುಕ್ತ ಕೇಂದ್ರಕ್ಕೆ ಸೇರಿಸಲಾಗಿತ್ತು. ಆದರೆ ವ್ಯಸನ ಕೇಂದ್ರದಲ್ಲಾದ 6 ಲಕ್ಷ ರೂಪಾಯಿ ಬಿಲ್​ನ್ನ ಪಾವತಿಸಲು ಪೋಷಕರು ಅಶಕ್ತರಾದ ಕಾರಣ ಕೇಂದ್ರದಿಂದ ವಾಪಸ್​ ಕಳಿಸಲಾಗಿತ್ತು. ಹೀಗಾಗಿ ಈತನನ್ನ ಮುಂಬೈನಲ್ಲಿದ್ದ ಅಜ್ಜಿ ಮನೆಯಲ್ಲಿ ಇರಿಸಲಾಗಿತ್ತು.