ಶುಭ ಕೋರಲು ಹೊಸ ಯೋಜನೆ ಪರಿಚಯಿಸಿದ ಅಂಚೆ ಇಲಾಖೆ

ತಮ್ಮ ಗ್ರಾಹಕರಿಗೆ ಜನ್ಮದಿನ, ಮದುವೆ, ವಾರ್ಷಿಕೋತ್ಸವಗಳಂತ ಶುಭ ಸಮಾರಂಭಕ್ಕೆ ಕೊಡುಗೆ ನೀಡಲು ನಿರ್ಧರಿಸಿರೋ ಉತ್ತರ ಪ್ರದೇಶದ ಮೀರತ್​ ಅಂಚೆ ಕಚೇರಿ ಮೈ ಸ್ಟಾಂಪ್​ ಎಂಬ ಹೊಸ ಯೋಜನೆಯನ್ನ ಜಾರಿಗೆ ತಂದಿದೆ.

ಮೀರತ್​ನ ಪ್ರಧಾನ ಕಚೇರಿಯಲ್ಲಿ ಮಾತ್ರ ‘ಮೈ ಸ್ಟಾಂಪ್​’ ಸೌಲಭ್ಯ ಲಭ್ಯವಿದ್ದು‌, ಗ್ರಾಹಕರು ಕೇವಲ 300 ರೂಪಾಯಿ ಪಾವತಿಸಿ ಇದನ್ನ ಪಡೆಯಬಹುದಾಗಿದೆ. ನಿಮ್ಮದೇ ಅಥವಾ ನಿಮ್ಮ ಪ್ರೀತಿಪಾತ್ರರ ಫೋಟೋಗಳನ್ನ ಅಳವಡಿಸಿ ಸ್ಟಾಂಪ್​ಗಳನ್ನ ಖರೀದಿ ಮಾಡಬಹುದಾಗಿದೆ. 12 ಅಂಚೆ ಚೀಟಿಗಳಿಗೆ ತಲಾ 5 ರೂಪಾಯಿ ವೆಚ್ಚವಾಗಲಿದೆ ಅಂತಾ ಅಂಚೆ ಕಚೇರಿ ಅಧಿಕಾರಿ ಅರ್ಗವಾಲ್​ ಮಾಹಿತಿ ನೀಡಿದ್ರು.

ಈ ಅಂಚೆ ಚೀಟಿಗಳನ್ನ ದೇಶದ ಯಾವುದೇ ಮೂಲೆಯಲ್ಲಿ ಅಂಚೆ ವಿನಿಮಯಕ್ಕಾಗಿ ಬಳಕೆ ಮಾಡಬಹುದಾಗಿದೆ. ಈ ಅಂಚೆ ಚೀಟಿಗಳು ಜನ್ಮದಿನದ ಶುಭಾಶಯ, ಮದುವೆ ಹಾಗೂ ವಾರ್ಷಿಕೋತ್ಸವದ ಶುಭಾಶಯ ಹಾಗೂ ನಿವೃತ್ತಿ ಶುಭಾಶಯ ಎಂಬ ಸಂದೇಶವನ್ನ ಒಳಗೊಂಡಿದೆ.