ವಿರೋಧ ವ್ಯಕ್ತವಾದ ಹಿನ್ನಲೆಯಲ್ಲಿ ಜಾಹೀರಾತು ಹಿಂಪಡೆದ ತನಿಶ್ಕ್

ಜನಪ್ರಿಯ ಆಭರಣ ಬ್ರಾಂಡ್​​ಗಳಲ್ಲೊಂದಾದ ಟೈಟಾನ್​ ಗ್ರೂಪ್​​‌ ನ ತನಿಶ್ಕ್​ ಅವರ ಜಾಹೀರಾತಿಗೆ ಟ್ವಿಟರ್​ನಲ್ಲಿ ವಿರೋಧ ವ್ಯಕ್ತವಾದ ಬೆನ್ನಲ್ಲೇ ಜಾಹೀರಾತನ್ನ ತನಿಶ್ಕ್​ ಡಿಲೀಟ್​ ಮಾಡಿದೆ.

ಹಿಂದೂ ಹಾಗೂ ಮುಸ್ಲಿಂ ಐಕ್ಯತೆಯ ಸಾರಾಂಶವನ್ನ ಇಟ್ಟುಕೊಂಡು ಜಾಹೀರಾತನ್ನ ಚಿತ್ರೀಕರಿಸಲಾಗಿತ್ತು. ಜಾಹೀರಾತಿನಲ್ಲಿ ಮುಸ್ಲಿಂ ಮನೆಯ ಹಿಂದೂ ಸೊಸೆಯ ಸೀಮಂತ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು. ಮುಸ್ಲಿಂ ಮಹಿಳೆ ಹಿಂದೂ ಸೊಸೆಯ ಸೀಮಂತ ಕಾರ್ಯಕ್ರಮವನ್ನ ಹಿಂದೂ ಪದ್ಧತಿಯಂತೆ ನಡೆಸುತ್ತಾಳೆ. ಇದಕ್ಕೆ ಪ್ರತಿಯಾಗಿ ಸೊಸೆ ನಿಮ್ಮ ಧರ್ಮದಲ್ಲಿ ಈ ರೀತಿ ಸಂಪ್ರದಾಯವಿಲ್ಲ ಅಲ್ವಾ ಅಂತಾ ಪ್ರಶ್ನೆ ಮಾಡುತ್ತಾಳೆ. ಅದಕ್ಕೆ ಮುಸ್ಲಿಂ ಮಹಿಳೆ ಹೆಣ್ಣುಮಕ್ಕಳನ್ನ ಸಂತೋಷವಾಗಿ ನೋಡಿಕೊಳ್ಳೋದು ಪ್ರತಿ ಮನೆಯ ಸಂಪ್ರದಾಯ ಅಂತಾ ಹೇಳುತ್ತಾಳೆ.

ಆದರೆ ಈ ಜಾಹೀರಾತನ್ನ ತನಿಶ್ಕ್​ ಪ್ರಕಟಿಸ್ತಾ ಇದ್ದಂತೆ ಟ್ವಿಟರ್​ನಲ್ಲಿ ಭಾರೀ ವಿರೋಧ ವ್ಯಕ್ತವಾಗಿತ್ತು. ಇದು ಲವ್​ ಜಿಹಾದ್​​ಗೆ ಪ್ರೇರಣೆ ನೀಡುವ ಜಾಹೀರಾತು ಅಂತಾ ಅನೇಕರು ಕುಟುಕಿದ್ದರು. ಅಲ್ಲದೇ ಬಾಯ್ ​ಕಾಟ್​ ತನಿಶ್ಕ್​ ಎಂಬ ಆಂದೋಲನವನ್ನೂ ನಡೆಸಲಾಗ್ತಾ ಇತ್ತು. ಈ ಬೆನ್ನಲ್ಲೇ ತನಿಶ್ಕ್​ ತನ್ನ ಅಧಿಕೃತ ಪೇಜ್​ಗಳಿಂದ ಜಾಹೀರಾತನ್ನ ರಿಮೂವ್​ ಮಾಡಿತ್ತು.

ಆದರೆ ಕಾಂಗ್ರೆಸ್​ ಸಂಸದ ಶಶಿ ತರೂರ್​ ಜಾಹೀರಾತನ್ನ ಬಹಿಷ್ಕಾರ ಮಾಡಿದ್ದ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ಹಿಂದೂ – ಮುಸ್ಲಿಂ ಐಕ್ಯತೆ ಸಾರಲು ಹೊರಟ ಜಾಹೀರಾತನ್ನ ಮಾಡಿದ್ದಕ್ಕೆ ತನಿಶ್ಕ್​ ಕಂಪನಿಯನ್ನೇ ಬಹಿಷ್ಕಾರಕ್ಕೆ ಕರೆ ನೀಡಲಾಯ್ತು. ಹಾಗಿದ್ದ ಮೇಲೆ ಹಿಂದೂ – ಮುಸ್ಲಿಂ ಐಕ್ಯತೆಗಾಗಿ ಬಹುಕಾಲದಿಂದ ಇರುವ ಚಿಹ್ನೆಯನ್ನ ಏಕೆ ಬಹಿಷ್ಕಾರ ಮಾಡಬಾರದು ಅಂತಾ ಬರೆಯೋ ಮೂಲಕ ಟ್ವಿಟರ್​ನಲ್ಲಿ ಆಕ್ರೋಶ ಹೊರಹಾಕಿದ್ದಾರೆ.

https://twitter.com/ShashiTharoor/status/1315833504253374464?ref_src=twsrc%5Etfw%7Ctwcamp%5Etweetembed%7Ctwterm%5E1315833504253374464%7Ctwgr%5Eshare_3&ref_url=https%3A%2F%2Fwww.ndtv.com%2Findia-news%2Fafter-boycotttanishq-trend-shashi-tharoor-asks-why-dont-they-boycott-india-2309248