ಆಲಿಕಲ್ಲಿನ ಬಡಿತಕ್ಕೆ ಹಾರುತ್ತಿದ್ದ ವಿಮಾನದ ಗಾಜು ಪುಡಿಪುಡಿ

ಅಮೆರಿಕಾಕ್ಕೆ ಸೇರಿದ ಯುಎ 349 ವಿಮಾನದ ಗಾಜಿಗೆ ಆಲಿಕಲ್ಲು ಬಡಿದ ಕಾರಣ ವಿಮಾನ ತುರ್ತು ಭೂ ಸ್ಪರ್ಶ ಮಾಡಿದೆ. ಚಿಕಾಗೋದಿಂದ ಪ್ರಯಾಣಿಕರ ಸಮೇತ ಹೊರಟಿದ್ದ ಈ ವಿಮಾನಕ್ಕೆ ಆಲಿಕಲ್ಲು ಮಳೆ ಎದುರಾಗಿದೆ.

ಆದರೂ ಪೈಲಟ್​ ವಿಮಾನದ ಹಾರಾಟ ಮುಂದುವರಿಸಿದ್ರು. ಆದರೆ ಆಲಿಕಲ್ಲು ನೇರವಾಗಿ ವಿಮಾನದ ವಿಂಡ್​ ಶೀಲ್ಡ್​ಗೆ ಬಂದು ಬಡಿದಿದೆ.ಇದರಿಂದಾಗಿ ವಿಂಡ್​ಶೀಲ್ಡ್​ ಸಂಪೂರ್ಣ ಬಿರುಕು ಬಿಟ್ಟಿದೆ. ಹೀಗಾಗಿ ಮಿಚಿಗನ್​ ಸರೋವರದ ಸಮೀಪ ವಿಮಾನ ತುರ್ತು ಭೂಸ್ಪರ್ಶ ಮಾಡಿದೆ.

ಪೈಲಟ್​ನ ಸಮಯಪ್ರಜ್ಞೆಯಿಂದಾಗಿ ಯಾವುದೇ ಅವಘಡ ಸಂಭವಿಸಿಲ್ಲ. ಇದೇ ವಿಮಾನದಲ್ಲಿ ಪ್ರಯಾಣ ಮಾಡ್ತಿದ್ದ ಪ್ರಯಾಣಿಕ ಅಲೆಕ್ಸ್ ಲ್ಯಾಂಗ್​​ ಎಂಬವರು ತಮ್ಮ ಟ್ವಿಟರ್​​ ಖಾತೆಯಲ್ಲಿ ಬಿರುಕುಬಿಟ್ಟ ವಿಮಾನದ ಗಾಜಿನ ಫೋಟೋವೊಂದನ್ನ ಶೇರ್​ ಮಾಡಿದ್ದಾರೆ.

https://twitter.com/ArexRang/status/1315752217190727685?ref_src=twsrc%5Etfw%7Ctwcamp%5Etweetembed%7Ctwterm%5E1315752217190727685%7Ctwgr%5Eshare_3&ref_url=https%3A%2F%2Fwww.ndtv.com%2Foffbeat%2Fplane-turns-around-after-hail-cracks-windshield-2309305