ವಾಷಿಂಗ್ಟನ್: ಕೊರೋನಾ ಪಾಸಿಟಿವ್ ಇದ್ದರೂ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ರೋಡ್ ಶೋ ನಡೆಸಿದ್ದಾರೆ. ಕಾರ್ ನಲ್ಲಿ ಅವರು ರೋಡ್ ಶೋ ನಡೆಸಿದ್ದು, ಅಪಾರ ಸಂಖ್ಯೆಯ ಬೆಂಬಲಿಗರು ಭಾಗಿಯಾಗಿದ್ದಾರೆ.
ವಾಲ್ಟರ್ ರೀಡ್ ಆಸ್ಪತ್ರೆಯ ಎದುರು ಡೊನಾಲ್ಡ್ ಟ್ರಂಪ್ ಕಾರಿನಲ್ಲಿ ಕುಳಿತುಕೊಂಡು ರೋಡ್ ಶೋ ನಡೆಸಿದ್ದು ಬೆಂಬಲಿಗರು ಜಮಾಯಿಸಿದ್ದಾರೆ. ಮುಂದಿನ ತಿಂಗಳು ಅಮೆರಿಕ ಅಧ್ಯಕ್ಷೀಯ ಚುನಾವಣೆ ನಡೆಯಲಿದ್ದು ಪ್ರಚಾರದ ವೇಳೆಯಲ್ಲಿಯೇ ಅವರಿಗೆ ಕೊರೋನಾ ಪಾಸಿಟಿವ್ ಬಂದಿದೆ. ತಮ್ಮ ಆರೋಗ್ಯ ಚೆನ್ನಾಗಿದೆ ಎಂದು ತೋರಿಸಿಕೊಳ್ಳಲು ಟ್ರಂಪ್ ರೋಡ್ ಶೋ ನಡೆಸಿದ್ದಾರೆ. ಈ ವೇಳೆ ಸಾವಿರಾರು ಬೆಂಬಲಿಗರು ಜಮಾವಣೆಗೊಂಡಿದ್ದಾರೆ.
ಅಂದ ಹಾಗೆ ಕೊರೊನಾ ಸೋಂಕು ತಗಲಿರುವ ಟ್ರಂಪ್ ಅವರ ರಕ್ತದ ಆಮ್ಲಜನಕ ಮಟ್ಟ ಕುಸಿಯ ತೊಡಗಿದ್ದು ಅವರ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ ಎಂದು ಶ್ವೇತಭವನದ ಮೂಲಗಳು ತಿಳಿಸಿವೆ. ಹೀಗಿದ್ದರೂ ಕೂಡ ತಾವು ಆರೋಗ್ಯವಾಗಿ ಇರುವುದನ್ನು ತೋರಿಸಿಕೊಳ್ಳಲು ರೋಡ್ ಶೋ ನಡೆಸಿದ್ದಾರೆ.
Loading ...