ಸೋಲಿನ ಹಿಂದಿನ ಕಾರಣ ಬಿಚ್ಚಿಟ್ಟ ಮಹೇಂದ್ರ ಸಿಂಗ್ ಧೋನಿ….!

ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ 13ನೇ ಆವೃತ್ತಿಯ ಐಪಿಎಲ್ ನಡೆಯುತ್ತಿದ್ದು, ಕ್ರಿಕೆಟ್ ಅಭಿಮಾನಿಗಳಿಗೆ ಹಬ್ಬವೇ ಆಗಿದೆ. ಕೊರೊನಾದಿಂದ ಮನೆಯಿಂದ ಹೊರಹೋಗದೇ ಕಂಗೆಟ್ಟಿದ್ದ ಅದೆಷ್ಟೋ ಜನಕ್ಕೆ ಐಪಿಲ್ ಹಬ್ಬದೂಟ ನೀಡುತ್ತಿದೆ.

ಈ ಆವೃತ್ತಿಯಲ್ಲಿ 14 ಪಂದ್ಯಗಳು ಮುಗಿದಿವೆ. ನಿನ್ನೆಯೂ ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಸನ್ ರೈಸರ್ಸ್ ಹೈದರಾಬಾದ್ ತಂಡದ ನಡುವೆ ಹಣಾಹಣಿ ಇತ್ತು.

ಈ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡದ ವಿರುದ್ಧ ಧೋನಿ ಟೀಮ್ ಸೋಲನ್ನನುಭವಿಸಿತು. ತಮ್ಮ ಸೋಲಿನ ಕುರಿತಾಗ ಮಾತನಾಡಿದ ಧೋನಿ ಸೋಲಿಗೆ ಕಾರಣ ಏನು ಎಂಬುದನ್ನು ಬಹಿರಂಗ ಪಡಿಸಿದರು. ಹಾಗೆಯೇ ಮುಂದಿನ ಪಂದ್ಯಗಳಲ್ಲಿ ಈ ತಪ್ಪುಗಳನ್ನು ಮಾಡದಿರಲು ತಮ್ಮ ತಂಡಕ್ಕೆ ಸೂಚಿಸಿದರು.

ಇದೇ ವೇಳೆ ಮಾತನಾಡಿದ ಮಹೇಂದ್ರ ಸಿಂಗ್ ಧೋನಿ, ನಾವು ಪಂದ್ಯಗಳಲ್ಲಿ ಅನೇಕ ತಪ್ಪುಗಳನ್ನು ಮಾಡಿದ್ದೇವೆ. ಆ ತಪ್ಪುಗಳನ್ನು ಸರಿ ಮಾಡಿಕೊಳ್ಳುವ ಅವಶ್ಯಕತೆ ಇದೆ. ನೋ ಬಾಲ್, ಕ್ಯಾಚ್ ಮಿಸ್ ಹೀಗೆ ಅನೇಕ ಎಡವಟ್ಟುಗಳು ಆಗಿವೆ. ಅದನ್ನು ಮುಂದಿನ ಪಂದ್ಯಗಳಲ್ಲಿ ಮಾಡುವುದಿಲ್ಲ. ಉತ್ತಮ ಪ್ರದರ್ಶನ ನೀಡಬೇಕಾಗಿದೆ ಎಂದು ಹೇಳಿದ್ದಾರೆ. ಸತತ ಮೂರು ಬಾರಿ ಧೋನಿ ತಂಡ ಸೋಲು ಅನುಭವಿಸಿದೆ.