ಏಕಾಏಕಿ ಕಂಡ ದೃಶ್ಯದಿಂದ ಬೆಚ್ಚಿಬಿದ್ದ ರೆಸ್ಟೋರೆಂಟ್‌ ಗ್ರಾಹಕರು

ಚಿರತೆಯೊಂದು ರೆಸ್ಟೋರೆಂಟ್‌ನ ಒಳಗೆ ಗ್ರಾಹಕನ ರೂಪದಲ್ಲಿ ಅಡ್ಡಾಡಿದ ವಿಡಿಯೋ ಒಂದು ಈಗ ಅಂತರ್ಜಾಲದಲ್ಲಿ ಸದ್ದು ಮಾಡುತ್ತಿದೆ.

ದಕ್ಷಿಣ ಆಫ್ರಿಕಾದ ಸಿಂಗಿತಾ ಎಬೊನಿ ಲಾಡ್ಜ್‌ನಲ್ಲಿ ಈ ಘಟನೆ ನಡೆದಿದ್ದು, ಚಿರತೆಯು ರೆಸ್ಟೋರೆಂಟ್‌ನ ಡಿನ್ನರ್ ಲಾಂಜ್‌ನಲ್ಲಿ ಓಡಾಡುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ.

ಚಿರತೆಯನ್ನು ನೋಡಿದ ಅಲ್ಲಿದ್ದ ಗ್ರಾಹಕರು ಒಂದು ಕ್ಷಣ ಬೆಚ್ಚಿಬಿದ್ದಿದ್ದಾರೆ. ಸಿಂಗಿತಾ ಎಬೊನಿ ತನ್ನ ಫೇಸ್ ಬುಕ್ ಪುಟದಲ್ಲಿ ವಿಡಿಯೋ ಹಂಚಿಕೊಂಡಿದೆ.

ಈ ವಿಡಿಯೋ ಕಂಡ ನೆಟ್ಟಿಗರು ಬಗೆಬಗೆಯಾಗಿ ಪ್ರತಿಕ್ರಿಯೆಗಳನ್ನು ನೀಡಿದ್ದಾರೆ. ಇಂತಹ ವಿಸ್ಮಯಕಾರಿ ಪ್ರಾಣಿಯನ್ನು ಅತಿ ಹತ್ತಿರದಲ್ಲಿ ನೋಡಲು ಅಲ್ಲಿದ್ದವರು ಎಷ್ಟು ಅದೃಷ್ಟವಂತರು ಎಂದು ಒಬ್ಬರು ಹೇಳಿದರೆ, ಈ ಚಿರತೆ ಹೋಟೆಲ್ ನ ಟೇಸ್ಟ್ ನೋಡಲು ಬಂದಿರಬಹುದು ಎಂದು ಮತ್ತೊಬ್ಬರು ಹಾಸ್ಯ ಮಾಡಿದ್ದಾರೆ.

ಇದೇ ವೇಳೆ ಹೋಟೆಲ್ ಕೂಡ ತಾನು ಇಂತಹ ಸಂದರ್ಭವನ್ನು ಎದುರಿಸಲು ತರಬೇತಿ ಪಡೆದ ಸಿಬ್ಬಂದಿ ಹೊಂದಿದ್ದು, ಅತಿಥಿಗಳನ್ನು ರಕ್ಷಿಸಲು ಅಗತ್ಯ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಿದೆ.

https://www.facebook.com/singita.gamereserves/videos/260998624872522