ಧಾರಾವಾಹಿಯ 12 ನಟಿಯರಿಗೆ ಡ್ರಗ್ಸ್ ಲಿಂಕ್

ಹೆಕ್ಕಿ ತೆಗೆದಷ್ಟು ಡ್ರಗ್ಸ್ ಮಾಫಿಯಾ ಬಗ್ಗೆ ಸಾಕಷ್ಟು ಮಾಹಿತಿ ಹೊರಗೆ ಬರ್ತಿದೆ. ನಟಿ ಶರ್ಮಿಳಾ ಆಪ್ತ ಕಾರ್ತಿಕ್ ಸಾಕಷ್ಟು ಮಾಹಿತಿಯನ್ನು ಸಿಸಿಬಿ ಪೊಲೀಸ್ ಮುಂದೆ ಬಿಚ್ಚಿಟ್ಟಿದ್ದಾರೆ.

ಸಿನಿಮಾ ನಟಿಯರ ಜೊತೆಗೆ ಈಗ ಧಾರಾವಾಹಿ ನಟಿಯರ ಬಗ್ಗೆಯೂ ಕಾರ್ತಿಕ್ ಮಾಹಿತಿ ನೀಡಿದ್ದಾನೆ. ಕಾರ್ತಿಕ್ ಧಾರಾವಾಹಿಯ 12 ನಟಿಯರ ಹೆಸರನ್ನು ಹೇಳಿದ್ದಾನೆ ಎನ್ನಲಾಗಿದೆ. ಧಾರಾವಾಹಿಯ 12 ನಟಿಯರಿಗೆ ನೊಟೀಸ್ ನೀಡುವ ಸಾಧ್ಯತೆಯಿದೆ. ಇಂದು ರಾತ್ರಿಯೊಳಗೆ ಒಬ್ಬ ನಟಿಗೆ ಸಿಸಿಬಿ ನೊಟೀಸ್ ನೀಡುವ ಸಾಧ್ಯತೆಯಿದೆ.

ನಟಿಯರಿಗೆ ಸಂಬಂಧಿಸಿದಂತೆ ಅನೇಕ ಮಾಹಿತಿ, ಫೋಟೋ, ವಿಡಿಯೋವನ್ನು ಕಾರ್ತಿಕ್ ನೀಡಿದ್ದಾನೆ. ಧಾರಾವಾಹಿಯ ಒಬ್ಬ ನಟಿಗೆ ಇಂದು ನೊಟೀಸ್ ಹೋಗಲಿದ್ದು, ಆ ನಟಿ ಯಾರು ಎಂಬ ಪ್ರಶ್ನೆಗೆ ನೊಟೀಸ್ ನೀಡಿದ ನಂತ್ರ ಉತ್ತರ ಸಿಗಲಿದೆ.

ಈಗಾಗಲೇ ನಟಿ ರಾಗಿಣಿ, ಸಂಜನಾ ಹಾಗೂ ಶರ್ಮಿಳಾ ಮಾಂಡ್ರೆ ಆಪ್ತರು ಸಿಸಿಬಿ ಪೊಲೀಸರ ಕೈಗೆ ಸಿಕ್ಕಿ ಬಿದ್ದಿದ್ದಾರೆ. ರಾಗಿಣಿಗೆ ಈಗಾಗಲೇ ಸಿಸಿಬಿ ನೊಟೀಸ್ ನೀಡಿದೆ. ಶರ್ಮಿಳಾ ಮಾಂಡ್ರೆಗೆ ಕೊರೊನಾ ಬಂದ ಕಾರಣ ಸದ್ಯ ನೊಟೀಸ್ ನೀಡಲು ಸಾಧ್ಯವಿಲ್ಲ. ರಾಗಿಣಿ ವಿಚಾರಣೆ ನಂತ್ರ ಸಂಜನಾಗೆ  ನೊಟೀಸ್ ನೀಡುವ ಸಾಧ್ಯತೆಯಿದೆ.