ಮಾಂಸ ಹಿಡಿಯದೆ ಮುಜುಗರ ಮಾಡಿಕೊಂಡ ಮೊಸಳೆ…!

ಮೊಸಳೆ ಬಾಯಿಗೆ ಮಾಂಸದ ತುಂಡು ಎಸೆದರೂ ಅದು ಕಚ್ಚಿಕೊಳ್ಳುವುದರಲ್ಲಿ ವಿಫಲವಾಗುತ್ತದೆ. ಆದರದು ಮಾಂಸ ಎಸೆದವರ ವಿರುದ್ಧ ತಿರುಗಿ ಬೀಳುವುದಿಲ್ಲ, ಹೆದರಿಸುವುದಿಲ್ಲ. ಬದಲಿಗೆ ತಾನೇ ಮುಜುಗರಪಟ್ಟು ನೀರಿನೊಳಗೆ ಇಳಿಯುತ್ತದೆ.

ಈ ಮೊಸಳೆಯ ಮುದ್ದಾದ ವಿಡಿಯೋ ವೈರಲ್ ಆಗಿದ್ದು, ನೆಟ್ಟಿಗರು ಮೆಚ್ಚಿ ಕೊಂಡಾಡಿದ್ದಾರೆ.

ಕ್ರಿಸ್ ಎಂಬಾತ ಸಾಕಿರುವ ಮೊಸಳೆ ಅದೆಷ್ಟು ಮುದ್ದು ಎಂಬುದನ್ನು ತೋರಿಸಲು ಈ ವಿಡಿಯೋ ಮಾಡಿದ್ದಾರೆ.

ಆಹಾರಕ್ಕಾಗಿ ಕೊಳದಿಂದ ಮೇಲೆ ಬಂದಿದ್ದ ಮೊಸಳೆ ಬಾಯಿಗೆ ಚಿಕನ್ ತುಂಡು ಹಿಡಿಯುವ ಕ್ರಿಸ್, ಮೇಲಿನಿಂದ ಬಾಯಿಯೊಳಗೆ ಬೀಳುವಂತೆ ಕೈಬಿಡುತ್ತಾರೆ. ಆದರೆ, ಅದು ಮೊಸಳೆ ಬಾಯಿಗೆ ಬೀಳುವ ಬದಲು, ತಪ್ಪಿ ನೆಲದ ಮೇಲೆ ಬೀಳುತ್ತದೆ. ಛೇ… ಹಾಕಿದ ಮಾಂಸ ಹಿಡಿಯಲಾಗಲಿಲ್ಲವಲ್ಲಾ ಎಂದುಕೊಂಡೋ ಏನೋ ಮುಜುಗರ ಮಾಡಿಕೊಂಡು ಮಾಂಸವನ್ನು ಅಲ್ಲೇ ಬಿಟ್ಟು ಕೊಳದೊಳಗೆ ಹೋಗುತ್ತದೆ.

https://www.instagram.com/p/CEcI4HmDDNR/?utm_source=ig_embed