ಅಮೂಲ್ ಗೆ ಥ್ಯಾಂಕ್ಸ್ ಹೇಳಿದ ಬಿಗ್‌ ಬಿ ನಂತರ ಖಾರವಾಗಿ ಪ್ರತಿಕ್ರಿಯಿಸಿದ್ದೇಕೆ…?

ಮುಂಬೈ: ಕೊರೊನಾ ಸೋಂಕು ಮುಕ್ತವಾಗಿ ನಾನಾವತಿ ಆಸ್ಪತ್ರೆಯಿಂದ ಬಿಡುಗಡೆಯಾದ ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಅಮೂಲ್ ಕಂಪನಿಗೆ ಫೇಸ್ ‌ಬುಕ್‌ ನಲ್ಲಿ ಧನ್ಯವಾದ ಹೇಳಿದ್ದಾರೆ.‌

ಪ್ರಸಿದ್ಧ ಹಾಲಿನ ಬ್ರಾಂಡ್ ಅಮೂಲ್ ನ ಗುರುತು ಜುಟ್ಟು ಬಿಟ್ಟ ಬಾಲಕಿ ಅಮಿತಾಭ್ ಅವರನ್ನು ಅಪ್ಪಿ ಹಿಡಿದುಕೊಂಡಿರುವ ಚಿತ್ರವನ್ನು ಅಮೂಲ್ ಪೋಸ್ಟ್ ಮಾಡಿ “ಎಬಿ ಬೀಟ್ಸ್ ಸಿ” ಅಮೂಲ್ ಹೋಮ್ ಕಮಿಂಗ್ ಗಿಫ್ಟ್ ಎಂದು ಬರೆಯಲಾಗಿತ್ತು. ನನ್ನ ಬಗ್ಗೆ ಕಾಳಜಿ ತೋರಿದ್ದಕ್ಕೆ ಅಮೂಲ್ ಗೆ ಧನ್ಯವಾದಗಳು ಎಂದು ಅಮಿತಾಭ್ ಬರೆದಿದ್ದರು.

ಆದರೆ, ಅದಕ್ಕೆ ಪ್ರತಿಕ್ರಿಯಿಸಿದ‌ ಟ್ರೋಲರ್ ಒಬ್ಬ “ಈ ಅಭಿನಂದನೆ ಉಚಿತವಾಗೇನೂ ಇರಲಿಕ್ಕಿಲ್ಲ ಅಮೂಲ್ ಇದಕ್ಕೆ ಹಣ ನೀಡಿರಬಹುದು” ಎಂದು ಬರೆದಿದ್ದ. ಅದಕ್ಕೆ ಅಮಿತಾಭ್ ಖಾರವಾಗಿ ಪ್ರತ್ಯುತ್ತರ ನೀಡಿದ್ದಾರೆ.‌

ಮಾನ್ಯರೇ, ನೀವು ತಪ್ಪು ಸಂದೇಶ ನೀಡುತ್ತಿದ್ದೀರಿ. ಸತ್ಯ ಗೊತ್ತಿಲ್ಲದಿದ್ದರೆ ಸುಮ್ಮನಿರಬೇಕು. ಅಮೂಲ್ ಯಾವತ್ತೂ ಹಾಗೆ ಮಾಡಿಲ್ಲ. ಬಾಣ ಬಿಡಬೇಕಾದರೆ ಅದು ಮರಳಿ ನಮ್ಮನ್ನೇ‌ ಬಂದು ಚುಚ್ಚುತ್ತದೆ ಎಂಬ ಯೋಚನೆಯೂ ಇರಬೇಕು” ಎಂದು ಬರೆದಿದ್ದಾರೆ.

https://www.facebook.com/AmitabhBachchan/posts/3587103777990052