ಸಾವಿನ ವದಂತಿ ಹಬ್ಬಿಸಿದ್ದರ ಕುರಿತು ಗಾನ ಕೋಗಿಲೆ ಬೇಸರ..!

ಎಸ್. ಜಾನಕಿಯಮ್ಮ ಯಾರಿಗೆ ಗೊತ್ತಿಲ್ಲ. ಅವರ ಧ್ವನಿಯಲ್ಲಿ ಮೂಡಿ ಬರುವ ಹಾಗೂ ಬಂದಿರುವ ಒಂದೊಂದು ಹಾಡುಗಳು ಕೂಡ ಫುಲ್ ಫೇಮಸ್. ಯಾವುದೇ ಹಾಡನ್ನಾದರೂ ತಮ್ಮದೇ ಆದ ಧ್ವನಿಯಲ್ಲಿ ಹಾಡುವ ಈ ಗಾನ ಕೋಗಿಲೆ ಇದೀಗ ಬೇಸರ ವ್ಯಕ್ತಪಡಿಸಿದ್ದಾರೆ.

ಹೌದು, ಇತ್ತೀಚೆಗಷ್ಟೆ ಗಾನ ಕೋಗಿಲೆ ಎಸ್. ಜಾನಕಿ ಇನ್ನಿಲ್ಲ ಎಂಬ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಈ ವಿಚಾರ ನೋಡಿದ ಅನೇಕ ಮಂದಿ ಆತಂಕಕೊಳಗಾಗಿದ್ದರು. ಅಷ್ಟೆ ಯಾಕೆ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರೇ ಕರೆ ಮಾಡಿ ಆರೋಗ್ಯ ವಿಚಾರಿಸಿದ್ದರು. ಈ ಸುಳ್ಳು ಸುದ್ದಿಗಳ ವಿಚಾರವಾಗಿ ಗಾನ ಕೋಗಿಲೆ ಬೇಸರ ವ್ಯಕ್ತಪಡಿಸಿದ್ದಾರೆ.

ನನ್ನ ಸಾವಿನ ಸುದ್ದಿಯನ್ನು ಕಿಡಿಗೇಡಿಗಳು ಹಬ್ಬಿಸುತ್ತಿದ್ದಾರೆ. ಇದು ಮೊದಲೇನಲ್ಲ ಈ ಹಿಂದೆಯೂ ಅನೇಕ ಬಾರಿ ಹೀಗೆ ಆಗಿದೆ. ಹಾಗಾಗಿ ಸುದ್ದಿ ಬಂದರೆ ಸ್ಪಷ್ಟನೆ ಪಡೆಯಿರಿ. ನನ್ನನ್ನು ಸಾಯಿಸುತ್ತಿರುವುದು ಮೊದಲೇನಲ್ಲ. ಆರು ಬಾರಿ ಇದೇ ತರಹ ಸುದ್ದಿ ಹಬ್ಬಿಸಿದ್ದಾರೆ. ದಯವಿಟ್ಟು ಇಂತಹ ಕೆಲಸ ಮಾಡಬೇಡಿ ಎಂದು ಹೇಳಿದ್ದಾರೆ.