ಬೆಂಗಳೂರು: ಸಿಲಿಕಾನ್ ಸಿಟಿಯ ಹೃದಯಭಾಗದಲ್ಲಿರುವ ‘ಕಬ್ಬನ್ ಪಾರ್ಕ್’ ನಲ್ಲಿ ಗಾಂಜಾ ಸೇವಿಸುತ್ತಿದ್ದ ಇಬ್ಬರು ಯುವಕರನ್ನು ಪೊಲೀಸರು ರೆಡ್ ಹ್ಯಾಂಡ್ ಆಗಿ ಹಿಡಿದು ಬಂಧಿಸಿದ್ದಾರೆ. ಬಂಧಿತರನ್ನು ಸಚಿನ್ ಮತ್ತು ಪವನ್ ಎಂದು ಗುರುತಿಸಲಾಗಿದೆ.
ಘಟನೆಯ ವಿವರ
ಬಂಧಿತ ಆರೋಪಿಗಳು ಕಬ್ಬನ್ ಪಾರ್ಕ್’ಗೆ ಫೋಟೋ ತೆಗೆಸಿಕೊಳ್ಳುವ (Photo Shoot) ಉದ್ದೇಶದಿಂದ ಬಂದಿದ್ದರು ಎನ್ನಲಾಗಿದೆ. ಪಾರ್ಕ್ನಲ್ಲಿ ಸುತ್ತಾಡುತ್ತಿದ್ದ ಇವರು, ನಂತರ ಸಾರ್ವಜನಿಕ ಶೌಚಾಲಯದ ಒಳಗೆ ಹೋಗಿ ಗಾಂಜಾ ಸೇವಿಸಲು ಶುರು ಮಾಡಿದ್ದಾರೆ.
ಸಿಗರೇಟ್ನಲ್ಲಿ ಗಾಂಜಾ: ಆರೋಪಿಗಳು ಸಾಮಾನ್ಯ ಸಿಗರೇಟ್ ಒಳಗಿದ್ದ ತಂಬಾಕನ್ನು ತೆಗೆದು, ಅದರೊಳಗೆ ಗಾಂಜಾ ತುಂಬಿಸಿ ಸೇದುತ್ತಿದ್ದರು.ಎನ್ ಡಿ ಪಿ ಎಸ್ ಕಾಯ್ದೆ ಕಲಂ 27 (ಬಿ) ಅನ್ವಯ ಪ್ರತ್ಯೇಕ ಕೇಸ್ ದಾಖಲಿಸಿ ಇಬ್ಬರನ್ನು ಬಂಧಿಸಲಾಗಿದೆ.
ತನಿಖೆ ಚುರುಕು
ಬಂಧಿತ ಆರೋಪಿಗಳ ಬಳಿಯಿದ್ದ ಗಾಂಜಾ ಹಾಗೂ ಮೊಬೈಲ್ ಫೋನ್ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಇವರಿಗೆ ಗಾಂಜಾ ಪೂರೈಕೆ ಮಾಡಿದವರು ಯಾರು? ಈ ಹಿಂದೆಯೂ ಇವರು ಇಂತಹ ಕೃತ್ಯಗಳಲ್ಲಿ ಭಾಗಿಯಾಗಿದ್ದಾರೆಯೇ? ಎಂಬ ಬಗ್ಗೆ ಕಬ್ಬನ್ ಪಾರ್ಕ್ ಪೊಲೀಸರು ತನಿಖೆಯನ್ನು ಮುಂದುವರಿಸಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಮಾದಕ ವಸ್ತುಗಳ ಸೇವನೆ ಮತ್ತು ಮಾರಾಟ ಶಿಕ್ಷಾರ್ಹ ಅಪರಾಧವಾಗಿದೆ.
AI ಸಾಂದರ್ಭಿಕ ಚಿತ್ರ
