ಮಳೆಗಾಲದ ತಂಪು ಸಂಜೆಗಳಲ್ಲಿ ಬಿಸಿಬಿಸಿಯಾದ ಮತ್ತು ಮಸಾಲೆಯುಕ್ತ ತಿಂಡಿಗಳನ್ನು ತಿನ್ನಲು ಯಾರಿಗೆ ತಾನೆ ಇಷ್ಟವಿಲ್ಲ? ಅಂತಹ ಸಮಯದಲ್ಲಿ ಕೊಂಕಣಿ ಕರಾವಳಿಯ ವಿಶಿಷ್ಟ ರುಚಿಯನ್ನು ಹೊಂದಿರುವ ‘ಕೊಂಕಣಿ ಫ್ರೈಡ್ ಚಿಕನ್’ ಅತ್ಯುತ್ತಮ ಆಯ್ಕೆಯಾಗಿದೆ. ಮಲ್ವಾನಿ ಮಸಾಲೆಯ ಘಾಟು ಮತ್ತು ಗರಿಗರಿಯಾದ ಪದರವನ್ನು ಹೊಂದಿರುವ ಈ ಖಾದ್ಯವು ಸ್ಟಾರ್ಟರ್ ಆಗಿ ಅಥವಾ ಸಂಜೆಯ ಸ್ನ್ಯಾಕ್ಸ್ ಆಗಿ ಬಳಸಲು ಸೂಕ್ತವಾಗಿದೆ.
ಬೇಕಾಗುವ ಪದಾರ್ಥಗಳು ಅರ್ಧ ಇಂಚಿನ ಪಟ್ಟಿಗಳಾಗಿ ಕತ್ತರಿಸಿದ ಮೂಳೆ ಇಲ್ಲದ ಎರಡು ಚಿಕನ್ ಬ್ರೆಸ್ಟ್ ತುಂಡುಗಳು, ಒಂದು ಮೊಟ್ಟೆ (ಗೊಟಾಯಿಸಿದ್ದು), ಒಂದು ಕಪ್ ಮಜ್ಜಿಗೆ, ಒಂದೂವರೆ ಚಮಚ ಮಲ್ವಾನಿ ಮಸಾಲಾ, ಒಂದು ಕಪ್ ಮೈದಾ ಹಿಟ್ಟು, ಒಂದು ಕಪ್ ಬ್ರೆಡ್ ಪುಡಿ, ಒಂದು ಚಮಚ ಉಪ್ಪು ಮತ್ತು ಹುರಿಯಲು ಎಣ್ಣೆ.
ತಯಾರಿಸುವ ವಿಧಾನ ಮೊದಲಿಗೆ ಚಿಕನ್ ತುಂಡುಗಳಿಗೆ ಮಲ್ವಾನಿ ಮಸಾಲೆಯನ್ನು ಹಚ್ಚಿ ಸುಮಾರು ನಾಲ್ಕರಿಂದ ಆರು ಗಂಟೆಗಳ ಕಾಲ ಫ್ರಿಡ್ಜ್‌ನಲ್ಲಿ ನೆನೆಯಲು (Marinate) ಇಡಬೇಕು. ಇದು ಚಿಕನ್ ಒಳಭಾಗದವರೆಗೆ ಮಸಾಲೆಯ ರುಚಿ ತಲುಪಲು ಸಹಾಯ ಮಾಡುತ್ತದೆ.
ನಂತರ ಒಂದು ಬೌಲ್‌ನಲ್ಲಿ ಮೊಟ್ಟೆ ಮತ್ತು ಮಜ್ಜಿಗೆಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ. ಇನ್ನೊಂದು ಬೌಲ್‌ನಲ್ಲಿ ಮೈದಾ ಹಿಟ್ಟು, ಬ್ರೆಡ್ ಪುಡಿ ಮತ್ತು ಉಪ್ಪನ್ನು ಬೆರೆಸಿಟ್ಟುಕೊಳ್ಳಿ. ಈಗ ಮಸಾಲೆಯಲ್ಲಿ ನೆನೆಸಿದ ಚಿಕನ್ ತುಂಡುಗಳನ್ನು ಮೊದಲು ಮೊಟ್ಟೆಯ ಮಿಶ್ರಣದಲ್ಲಿ ಅದ್ದಿ, ನಂತರ ಮೈದಾ ಮತ್ತು ಬ್ರೆಡ್ ಪುಡಿಯ ಮಿಶ್ರಣದಲ್ಲಿ ಹೊರಳಿಸಿ ಚೆನ್ನಾಗಿ ಕೋಟಿಂಗ್ ಮಾಡಬೇಕು.
ಬಾಣಲೆಯಲ್ಲಿ ಎಣ್ಣೆಯನ್ನು ಸುಮಾರು 190 ಡಿಗ್ರಿ ಸೆಲ್ಸಿಯಸ್ ತಾಪಮಾನಕ್ಕೆ ಕಾಯಿಸಿ, ಸಿದ್ಧಪಡಿಸಿದ ಚಿಕನ್ ತುಂಡುಗಳನ್ನು ಎಣ್ಣೆಗೆ ಹಾಕಿ. ಚಿಕನ್ ತುಂಡುಗಳು ಬಂಗಾರ ಬಣ್ಣಕ್ಕೆ ತಿರುಗಿ ಗರಿಗರಿಯಾಗುವವರೆಗೆ ಹದವಾಗಿ ಹುರಿಯಿರಿ. ಕರಿದ ಚಿಕನ್ ತುಂಡುಗಳನ್ನು ಎಣ್ಣೆಯಿಂದ ತೆಗೆದು ಟಿಶ್ಯೂ ಪೇಪರ್ ಮೇಲೆ ಇರಿಸಿ, ಹೆಚ್ಚುವರಿ ಎಣ್ಣೆಯನ್ನು ತೆಗೆಯಿರಿ. ಬಿಸಿಬಿಸಿಯಾದ ಕೊಂಕಣಿ ಫ್ರೈಡ್ ಚಿಕನ್ ಅನ್ನು ಪುದೀನಾ ಚಟ್ನಿ ಅಥವಾ ಸಾಸ್ ಜೊತೆ ಸವಿಯಲು ನೀಡಿ.
