ಭಾರತೀಯ ಸಂಸ್ಕೃತಿಯ ವೈಭವವನ್ನು ಕಣ್ತುಂಬಿಕೊಳ್ಳಲು ಬಂದ ಅಮೆರಿಕನ್ ವ್ಲಾಗರ್ ಜ್ಯಾಕ್ ರೋಸೆಂತಾಲ್, ಅದೃಷ್ಟದ ಕಾರಣಕ್ಕೆ ಭಾರತೀಯ ಮದುವೆಯಲ್ಲಿ ಭಾಗವಹಿಸುವ ಅವಕಾಶ ಪಡೆದರು. ದೆಹಲಿಯಲ್ಲಿ ಟುಕ್-ಟುಕ್ ಓಡಿಸುತ್ತಿದ್ದ ಚಾಲಕನಿಂದ ಅವರಿಗೆ ಮದುವೆಯ ಆಹ್ವಾನ ಸಿಕ್ಕಿತ್ತು.
ದೆಹಲಿಯ ರಸ್ತೆಗಳಲ್ಲಿ ಸುತ್ತಾಡುತ್ತಿದ್ದ ಜ್ಯಾಕ್ ರೋಸೆಂತಾಲ್, ಭಾರತೀಯ ಮದುವೆಯ ಅನುಭವ ಪಡೆಯುವ ಬಯಕೆಯನ್ನು ಟುಕ್-ಟುಕ್ ಚಾಲಕನ ಬಳಿ ವ್ಯಕ್ತಪಡಿಸಿದ್ದು, ಅಚ್ಚರಿಯೆಂದರೆ, ಆ ಚಾಲಕನ ಸೋದರ ಸಂಬಂಧಿಯ ಮದುವೆ ಕೆಲವೇ ದಿನಗಳಲ್ಲಿತ್ತು. ಚಾಲಕ ಜ್ಯಾಕ್ ರೋಸೆಂತಾಲ್ ಅವರನ್ನು ಮದುವೆಗೆ ಆಹ್ವಾನಿಸಿದ್ದಾನೆ.
ಜ್ಯಾಕ್ ರೋಸೆಂತಾಲ್ ಈ ಅವಕಾಶವನ್ನು ಕೈಚೆಲ್ಲಲು ಬಯಸದೆ, ತಮ್ಮ ಪ್ರಯಾಣದ ಯೋಜನೆಯನ್ನು ಬದಲಾಯಿಸಿ ಮದುವೆಯಲ್ಲಿ ಭಾಗವಹಿಸಿ ಡ್ಯಾನ್ಸ್ ಮಾಡಿದ್ದು, ಮೆಹಂದಿ ಹಾಕಿಸಿಕೊಂಡು ಭಾರತೀಯ ಸಂಸ್ಕೃತಿಯನ್ನು ಆನಂದಿಸಿದ್ದಾರೆ.
ಜ್ಯಾಕ್ ರೋಸೆಂತಾಲ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಮದುವೆಯ ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಭಾರತೀಯ ಆತಿಥ್ಯಕ್ಕೆ ಅವರು ಮನಸೋತಿದ್ದು, ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
View this post on Instagram
Loading ...