ಶುದ್ಧ ಜೇನುತುಪ್ಪ ಗುರುತಿಸುವುದು ಹೇಗೆ ? ಹೀಗೆ ಮಾಡಿ ಕಲಬೆರಕೆ ಪರೀಕ್ಷೆ….!

ಇತ್ತೀಚೆಗೆ ಜೇನುತುಪ್ಪದಲ್ಲೂ ಕಲಬೆರಕೆ ಜಾಸ್ತಿ ಆಗಿದೆ. ಅಂಗಡಿಯಿಂದ ತಂದ ಜೇನುತುಪ್ಪ ಶುದ್ಧವಾಗಿದೆಯೇ ಅಂತ ಪರೀಕ್ಷೆ ಮಾಡೋದು ಹೇಗೆ ಅಂತ ಇಲ್ಲಿ ತಿಳಿಸಿದ್ದೀವಿ.

ಒಂದು ಹನಿ ಜೇನುತುಪ್ಪವನ್ನು ಹೆಬ್ಬೆರಳಿನ ಮೇಲೆ ಹಾಕಿ. ಶುದ್ಧ ಜೇನುತುಪ್ಪವು ನಿಧಾನವಾಗಿ ಜಾರುತ್ತದೆ. ಒಂದು ಲೋಟ ಬೆಚ್ಚಗಿನ ನೀರಿಗೆ ಒಂದು ಚಮಚ ಜೇನುತುಪ್ಪವನ್ನು ಹಾಕಿ. ಶುದ್ಧ ಜೇನುತುಪ್ಪವು ತಳಕ್ಕೆ ಹೋಗಿ ನಿಧಾನವಾಗಿ ಕರಗುತ್ತದೆ. ಬೆಂಕಿ ಕಡ್ಡಿಯ ತುದಿಯನ್ನು ಜೇನುತುಪ್ಪದಲ್ಲಿ ಅದ್ದಿ. ಬೆಂಕಿ ಕಡ್ಡಿ ಉರಿಯುತ್ತಿದ್ದರೆ ಜೇನುತುಪ್ಪ ಶುದ್ಧವಾಗಿದೆ. ಸ್ವಲ್ಪ ಜೇನುತುಪ್ಪಕ್ಕೆ ನೀರು ಮತ್ತು ವಿನೆಗರ್ ಹಾಕಿ ತಿರುಗಿಸಿ. ನೊರೆ ಬಂದರೆ ಜೇನುತುಪ್ಪ ಕಲಬೆರಕೆಯಾಗಿದೆ. ಬಿಳಿ ಬಟ್ಟೆಯ ಮೇಲೆ ಸ್ವಲ್ಪ ಜೇನುತುಪ್ಪವನ್ನು ಹಾಕಿ. ಶುದ್ಧ ಜೇನುತುಪ್ಪವು ಕಲೆ ಬಿಡುವುದಿಲ್ಲ.

ಶುದ್ಧ ಜೇನುತುಪ್ಪವು ನಿರ್ದಿಷ್ಟವಾದ ಹೂವಿನ ವಾಸನೆ ಮತ್ತು ರುಚಿಯನ್ನು ಹೊಂದಿರುತ್ತದೆ. ಕಲಬೆರಕೆ ಜೇನುತುಪ್ಪವು ಸಕ್ಕರೆ ಪಾಕದಂತೆ ರುಚಿ ಮತ್ತು ವಾಸನೆಯನ್ನು ಹೊಂದಿರುತ್ತದೆ. ಶುದ್ಧ ಜೇನುತುಪ್ಪವು ದಪ್ಪವಾಗಿರುತ್ತದೆ. ಕಲಬೆರಕೆ ಜೇನುತುಪ್ಪವು ತೆಳುವಾಗಿರುತ್ತದೆ. ಈ ಪರೀಕ್ಷೆಗಳು ಜೇನುತುಪ್ಪದ ಶುದ್ಧತೆಯನ್ನು ಗುರುತಿಸಲು ಸಹಾಯ ಮಾಡುತ್ತವೆ. ಆದ್ರೆ, ನಿಖರವಾದ ಪರೀಕ್ಷೆಗಾಗಿ ಲ್ಯಾಬ್‌ನಲ್ಲಿ ಪರೀಕ್ಷೆ ಮಾಡಿಸುವುದು ಉತ್ತಮ.”