ಸ್ಕೋಡಾ ಆಕ್ಟೇವಿಯಾ ಆರ್.ಎಸ್: ಇದರಲ್ಲಿದೆ ನೀವು ಬಯಸುವ ಎಲ್ಲಾ ʼವೈಶಿಷ್ಟ್ಯʼ

ಸ್ಕೋಡಾ ಕಂಪನಿಯು 25 ವರ್ಷಗಳ ಹಿಂದೆ ಆಕ್ಟೇವಿಯಾ ಕಾರಿನ ಮೂಲಕ ಭಾರತೀಯ ಮಾರುಕಟ್ಟೆಗೆ ಪಾದಾರ್ಪಣೆ ಮಾಡಿತು. ಈ ಕಾರು ತನ್ನ ವಿಶಿಷ್ಟ ವಿನ್ಯಾಸ ಮತ್ತು ಕಾರ್ಯಕ್ಷಮತೆಯಿಂದ ಗ್ರಾಹಕರ ಮನ ಗೆದ್ದಿದೆ. 2023 ರಲ್ಲಿ ನಾಲ್ಕನೇ ತಲೆಮಾರಿನ ಮಾದರಿಯನ್ನು ಸ್ಥಗಿತಗೊಳಿಸಿದ ಸ್ಕೋಡಾ, ಈಗ ಮತ್ತೆ ಗ್ರಾಹಕ ಸ್ನೇಹಿಯಾಗಲು ಸಜ್ಜಾಗಿದೆ. ಸ್ಕೋಡಾ ಇಂಡಿಯಾದ 25ನೇ ವಾರ್ಷಿಕೋತ್ಸವದ ಪ್ರಯುಕ್ತ ಆಕ್ಟೇವಿಯಾ ಆರ್.ಎಸ್. ಮಾದರಿಯನ್ನು ಮಾರುಕಟ್ಟೆಗೆ ತರಲಾಗುತ್ತಿದೆ.

ಈ ಹೊಸ ಮಾದರಿಯು ಸ್ಪೋರ್ಟಿ ಆರ್.ಎಸ್. ರೂಪದಲ್ಲಿ ಲಭ್ಯವಿದೆ. ಇದು ಸಂಪೂರ್ಣವಾಗಿ ನಿರ್ಮಿಸಲಾದ ಘಟಕ (CBU) ಮಾದರಿಯಾಗಿದ್ದು, ಇದರ ಬೆಲೆ ಸುಮಾರು 50 ಲಕ್ಷ ರೂ. ಇರಲಿದೆ. ಇದರಲ್ಲಿ ನವೀಕರಿಸಿದ 2.0-ಲೀಟರ್ ಟಿಎಸ್‌ಐ ಎಂಜಿನ್ ಇದ್ದು, 265 ಎಚ್‌ಪಿ ಶಕ್ತಿ ಮತ್ತು 370 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಕಾರು ಕೇವಲ 6.4 ಸೆಕೆಂಡುಗಳಲ್ಲಿ 0 ರಿಂದ 100 ಕಿಮೀ ವೇಗವನ್ನು ತಲುಪುತ್ತದೆ. 7-ಸ್ಪೀಡ್ ಡಿಎಸ್‌ಜಿ ಗೇರ್‌ಬಾಕ್ಸ್ ಅನ್ನು ಹೊಂದಿದೆ. ಹೊಸ 13-ಇಂಚಿನ ಟಚ್‌ಸ್ಕ್ರೀನ್ ಮತ್ತು ಕ್ರೀಡಾ ಆಸನಗಳು ಇದರ ವಿಶೇಷತೆ. ಕ್ಯಾಬಿನ್ ವಿಶಾಲವಾಗಿದ್ದು, ಮುಂಭಾಗ ಮತ್ತು ಹಿಂಭಾಗದಲ್ಲಿ ಸಾಕಷ್ಟು ಸ್ಥಳಾವಕಾಶವಿದೆ.

ರೇಸ್‌ಟ್ರ್ಯಾಕ್ ಮತ್ತು ಸಾಮಾನ್ಯ ರಸ್ತೆಗಳಲ್ಲಿ ಈ ಕಾರಿನ ಕಾರ್ಯಕ್ಷಮತೆ ಅತ್ಯುತ್ತಮವಾಗಿದೆ. ವೇಗದ ಚಾಲನೆ ಮತ್ತು ಆರಾಮದಾಯಕ ಪ್ರಯಾಣಕ್ಕೆ ಈ ಕಾರು ಸೂಕ್ತವಾಗಿದೆ. ಇದರ ನಿರ್ವಹಣೆ ಮತ್ತು ಸ್ಥಿರತೆ ಉತ್ತಮವಾಗಿದೆ. ಸ್ಕೋಡಾ ಆಕ್ಟೇವಿಯಾ ಆರ್.ಎಸ್. ಕಾರು, ಸ್ಪೋರ್ಟಿ ವಿನ್ಯಾಸ ಮತ್ತು ಹೆಚ್ಚಿನ ಕಾರ್ಯಕ್ಷಮತೆಯಿಂದ ಕಾರು ಪ್ರಿಯರನ್ನು ಆಕರ್ಷಿಸಲಿದೆ.