ಕೇರಳ ಹೈಕೋರ್ಟ್ ಇತ್ತೀಚೆಗೆ ಮಹತ್ವದ ತೀರ್ಪೊಂದನ್ನು ನೀಡಿದ್ದು, ಮಾವನ ಆಸ್ತಿಯಲ್ಲಿ ಅಳಿಯನಿಗೆ ಯಾವುದೇ ಹಕ್ಕಿಲ್ಲ ಎಂದು ಸ್ಪಷ್ಟಪಡಿಸಿದೆ. ಅಳಿಯ ಆಸ್ತಿ ಖರೀದಿಗೆ ಅಥವಾ ನಿರ್ಮಾಣಕ್ಕೆ ಆರ್ಥಿಕ ಸಹಾಯ ಮಾಡಿದರೂ, ಆಸ್ತಿಯ ಮೇಲೆ ಆತನಿಗೆ ಯಾವುದೇ ಹಕ್ಕು ಇರುವುದಿಲ್ಲ ಎಂದು ಕೋರ್ಟ್ ಹೇಳಿದೆ.
ಕಾನೂನಿನ ಪ್ರಕಾರ, ಆಸ್ತಿಯನ್ನು ಕಾನೂನುಬದ್ಧವಾಗಿ ಹಸ್ತಾಂತರಿಸುವವರೆಗೆ, ಅಳಿಯ ಅಥವಾ ಹೆಂಡತಿಗೆ ಆಸ್ತಿಯ ಮೇಲೆ ಯಾವುದೇ ಹಕ್ಕು ಇರುವುದಿಲ್ಲ. ಪತಿ ಮರಣ ಹೊಂದಿದರೆ, ಹೆಂಡತಿಗೆ ಆತನಿಗೆ ಸಿಗುವಷ್ಟೇ ಪಾಲು ಮಾತ್ರ ಸಿಗುತ್ತದೆ.
ಈ ಪ್ರಕರಣವು ತಲಿಪರಂಬದ ಡೇವಿಸ್ ರಾಫೆಲ್ ಅವರು ಕೇರಳ ಹೈಕೋರ್ಟ್‌ನಲ್ಲಿ ಸಲ್ಲಿಸಿದ ಮೇಲ್ಮನವಿಗೆ ಸಂಬಂಧಿಸಿದೆ. ಡೆವಿಸ್ ತನ್ನ ಮಾವ ಹೆನ್ರಿ ಥಾಮಸ್ ಅವರ ಆಸ್ತಿಯ ಮೇಲೆ ಹಕ್ಕು ಸಾಧಿಸಿದ್ದರು, ಆದರೆ ನ್ಯಾಯಾಲಯವು ಅದನ್ನು ತಿರಸ್ಕರಿಸಿತು. ಹೆನ್ರಿಯ ಏಕೈಕ ಪುತ್ರಿಯನ್ನು ಮದುವೆಯಾಗಿದ್ದರಿಂದ ತನಗೆ ಮನೆಯಲ್ಲಿ ವಾಸಿಸುವ ಹಕ್ಕು ಇದೆ ಎಂದು ಡೆವಿಸ್ ವಾದಿಸಿದ್ದರು. ಆದರೆ, ಅಳಿಯನಿಗೆ ಮಾವನ ಆಸ್ತಿಯಲ್ಲಿ ಯಾವುದೇ ಕಾನೂನುಬದ್ಧ ಹಕ್ಕು ಇಲ್ಲ ಎಂದು ನ್ಯಾಯಾಲಯ ಹೇಳಿತು.
ಹೆನ್ರಿ ಥಾಮಸ್ ತಮ್ಮ ಅಳಿಯ ಡೆವಿಸ್ ವಿರುದ್ಧ ಮೊಕದ್ದಮೆ ದಾಖಲಿಸಿದ್ದರು, ಇದರಲ್ಲಿ ಡೆವಿಸ್ ತಮ್ಮ ಆಸ್ತಿಯನ್ನು ಅಕ್ರಮವಾಗಿ ವಶಪಡಿಸಿಕೊಂಡಿದ್ದಾರೆ ಮತ್ತು ಶಾಂತಿಯಿಂದ ವಾಸಿಸಲು ಬಿಡುತ್ತಿಲ್ಲ ಎಂದು ಆರೋಪಿಸಿದ್ದರು. ಈ ಆಸ್ತಿಯನ್ನು ತಾವು ಸೇಂಟ್ ಪಾಲ್ ಚರ್ಚ್‌ನಿಂದ ಉಡುಗೊರೆಯಾಗಿ ಪಡೆದಿದ್ದು, ತಮ್ಮ ಸ್ವಂತ ಹಣದಿಂದ ನಿರ್ಮಿಸಿರುವುದಾಗಿ ಹೆನ್ರಿ ವಾದಿಸಿದ್ದರು.
ಕೇರಳ ಹೈಕೋರ್ಟ್ ಎರಡೂ ಕಡೆಯ ವಾದಗಳನ್ನು ಆಲಿಸಿದ ನಂತರ, ಅಳಿಯನಿಗೆ ಮಾವನ ಆಸ್ತಿಯ ಮೇಲೆ ಯಾವುದೇ ಕಾನೂನುಬದ್ಧ ಹಕ್ಕು ಇಲ್ಲ ಎಂದು ತೀರ್ಪು ನೀಡಿತು. ಅಳಿಯನನ್ನು ಕುಟುಂಬದ ಸದಸ್ಯ ಎಂದು ಪರಿಗಣಿಸಬಹುದಾದರೂ, ಕಾನೂನುಬದ್ಧವಾಗಿ ಆತನಿಗೆ ಆಸ್ತಿಯ ಹಕ್ಕು ನೀಡಲಾಗುವುದಿಲ್ಲ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿತು.
Loading ...